Irénée Duriez
Uit Wikipedia
Irénée Duriez (Tourout, 14 meie 1950) is een West-Vlamsche beeldouwer.
Irénée Duriez boetseert en têeknt sedert joarn sierlikke vrouwelikke figeuren. Je modelleert klassieke, realistische beeldn in was die ton in brons gegootn wordn (verloren-was-techniek). Z’n torso’s zyn krachtig en vul dynamiek, moar ook gevoelig en suggestief. In ’t begun et ‘n gewerkt met out, terracotta en stêen, moar uutendelik kwamt ’n by brons terechte.
J’ et ook nog sculpturoale bijous ountworpn in brons en zilver.
[bewerkn] Carrière
De antrekkingskracht van beeldn en beeldouwwerk begost al van ost ’n nog styf jounk was. Ost’n dertien joar oud was stound ’n al te kerven in een stik out vo d’r een beeld uut t’oalen. Rond z’n 14-15 joar begost ’n te boetseren in klyte en een joar loater werkt ‘n me witstêen en arduun. J' is toet an z’n vêertiene noa schole gewist en je most ton temmerman wordn van z’n voader, by wien dat ’n toet an z’n 34 joar gewerkt et.
Ondertusschn et ’n em bluven bekwoamn. Je krêeg ulpe van Yves Rhavé by wien dat ’n privé-lessn volgdege van 1968-1970. Je wierd ook gesteund deur Livia Canestraro en Stefaan Depuydt by wien dat ’n stage liep als lêercontract. Je volgde ook lessn als vrye lêerlienk an de Stedelijke Academie voor Schone Kunsten van Brugge by Willem van Aerden, beeldouwer, têkenoare en lêroare boetseren en anatomie.
J’ exposeert surtout in de kuststeedn van België en in Olland.
Ip 14 meie 2000 et ‘n een ‘Beeldentuin’ geoopnd neffest z’n atelier ‘De oude Melkerie’ in Ichtegem. Open atelier van 1 juli toet 31 augustus.
 |
Mêer ofbeeldiengn die ier by passn ku je vien in de categorie Irénée Duriez van Wikimedia Commons. |
