Jan Ceulemans

Van Wikipedia
Ga naar: Begunplekkn, zoeken
Jan Ceulemans by de nationale ploeg in 1980

Jan Ceulemans (Lier, 28 februoari 1957) is 'n ex-voetboller en trainer. J'is tie 'n fenomeen in 't Belgisch voetbol en zeker vo Club Brugge. Z'n lapnaamn zyn Caje (e verwyzing no ze grôotvoader) en Sterke Jan.

Carrière[bewerkn | brontekst bewerken]

Nationoale competitie[bewerkn | brontekst bewerken]

  • Jan Ceulemans is z'n actieve voetbolcarrière begost by Liersche S.K ols jeugdspilder.
  • In 1978 is 't ie begunn speeln by Club Brugge en j' is doa nie mi weggegoan. J'é pertang dikkers genoeg vôorstelln uut het butenland gekreegn, zeker achter Mexico '86. In 't hele is 't ie 3 kês Belgisch kampioen gewordn en eet ie 3 kês den beker van België gewonn. Wa dat ie doavoren gedoan eet, is nie 't ounderschatten: ols anvollende midddenvelder dirigirdege tie 't spil. J'eit 3 kês de Goudn Schoe (1980, 1986, 1987) gewounn en j'eit den trofee vo sportverdienste gekreegn in 1990. In ol die joarn dat ie by Club Brugge gespeeld eit, eit ie 230 goals gemakt (in 517 wedstrydn). In 1991 kwam 't er een ende an z'n carrière deur een zwoare knieblesseure. Oewel da 't er em een postje beloofd gewist was in Club Brugge, es 't ip de moment da ter ip an kwam, nie van ekomn.

Internationoal: mi de Rôo Duvels[bewerkn | brontekst bewerken]

Jan Ceulemans is internationoal vôorol gekend deur zyn rolle in de gloriejoarn van de Rôo Duvels die liepn va 1980 (Finale EK Itoalië) via 1986 (vierde platse WK in Mexico) toet 1990 (WK Italië, uutgeschoakeld deur Iengeland, mi de beste Rôo Duvels die d'r ôoit op e pling gestoan en). Ceulemans es nog oltyd de record internationoal (mi 96 caps woarin dat ie 23 goals makte).

Trainersschap[bewerkn | brontekst bewerken]

  • De carrière van Ceulemans ols trainer is begost by Eendracht Aalst in 1992. 't Is doa gesmeird gelopen: promotie nor êeste klasse in 1993 en een vierde plekke med Europees voetbol in 1995.
  • De twêede ploeg dat ie traindege was KSV Ingelmunster, woar dat ie were promotie noar twidde klasse bekwaam.
  • Vanof 1999 traindege tie Westerlo woar dat ie 6 joar trainer gebleven is.
  • In 2005 kost ie trainer worden van Club Brugge, mo doar eit ie deur slichte uutslagen 't êeste joar nie uutgedoan.
  • 07/2007 - 05/2012: VC Westerlo.
  • 10/2012 - nu: FC Capellen (3e)
Wikimedia Commons

Externe koppelienge[bewerkn | brontekst bewerken]