Jef Braeckevelt

Van Wikipedia
Jef Braeckevelt in 1977

Jef Braeckevelt (Tielt, 13 januoari 1943 - Woaregem, 26 februoari 2019) wos nen West-Vlamschn ploegleider van verschillnde veloploegn. Ie weunde lange in Woaregem.

Carrière[bewerkn | brontekst bewerken]

Oloewel dat ie by de jeugd soms meedeed an kermiskoersn, es't ie redelik rap ploegleider gekoomn by de liefhebbers van 't Sportverbound Meulebeke. Ie wos ton 16 joar. Vanof 1964 ei't ie grôter ploegn geleid, gelik Terrot-Leroux, La Redoute, Hitachi, Lotto, Marlux, Chocolade Jacques en Jartazi-7Mobile. Ie eit zyn grôotste successn behoald in zyn periode by Lotto, in de tyd da Andrei Tchmil ôge toppn scheirde.

Varia[bewerkn | brontekst bewerken]

  • Jef Braeckevelt eit een belangryke rolle gespeeld in 't feit da ne rit va de Rounde van Vrankryk in 2007 in Woaregem start. Zyn vriendschap me Jean-Marie Leblanc zit doa voo vele tussn.
  • Braeckevelt kwam bekend by 't grôot publiek in 2001. Toen woun ze coureur Serge Baguet een etappe in de Rounde van Vrankryk. An d'ankomste vieln ze ol kriesjend in makoars armes.