Jef Claerhout
Jef Claerhout (Tielt, 29 oktober 1937 - Oelem, 10 ogustus 2022) was e West-Vlamsche beeldhouwer. Je weunde latst in Oelem.
Je makte figuratieve beeldn in metoal en je gebruukte doaby verschillige las-en vervormiengstechniekn. Metoalbewerkienge zat by Jef Claerhout in de familie.
Zyn inspiroasje kwaam van de fantastische histories die zyn grotvoader hem verteldege ost 'n klêne was. Je verwerkte mythologie, folklore, humor en ironie in fabelachtige figeurn, gedrochtn en bêestn, veugels en peirdn. J'hèt ook e dêel mêer realistische beeldn gemakt.
Verschillige van zyn werkn stoan ip publieke plekkn in steedn lik Brugge, Kortryk, Tielt, Knokke, Damme, Roeseloare, Leuvn, Brussel en nog vele mêer.
Jef Claerhout-route[bewerkn | brontekst bewerken]
Via e speciaal uutgestippelde vèloroute in 't Brugs Ommeland zyn der vele van zyn kunstwerkn te bekykn. Een êeste lusse lopt in 't nôordn en start an 't Schepenhuys in Oelem en verbiendt Beirnem mè Brugge, Lissewege, Damme, Sysêle en Male. De zuudroute start an de dienst tourisme van Tielt en lopt langst Wyngne, Zwevezêle, Ruuslee, Koanegem en were noa Tielt.
Kunstwerkn[bewerkn | brontekst bewerken]
E dêel van zyn kunstwerkn zyn:
- Papageno, vo de stadsschouwburg in Brugge
- Peirdekoppn, Wijngaertpling Brugge
- De goodn bezoekn Brugge, Walplatse Brugge
- Meyboom, Zilversteeg Brugge
- Dansend Marieke, langst de Coupeure in Brugge
- Maquette Belfort, Markt Brugge
- Marieke, J. Brelzoale, Arlonstroate, Brussel
- Tyl Uylenspiegel in Damme
- Moeder Siska, Knokke
- Ode an de vrouwe, Zegemeer Knokke-Heist
- Briek Schotte, an de St.-Bavokerke in Koanegem
- Spelende Kinders, Reigersnest Koksyde
- Den Bisschop, St. Maartenskerkhof Kortryk
- De drinkers, Wijngaardstroate veemarkt Kortryk
- Veugels, plèine St.-Maartensklinieke Kortryk
- Fonske, Romeinseloane Leuvn
- Willem van Saeftinghe, Lissewege
- Veugels ip boomstam, Ter Doestdreve Lissewege
- Maria met Kind, Berendonkstroate grenze Oelem - Beirnem
- Tabernoakel, St.-Lambertuskerke Oelem
- Peegie, Beutermarkt Roeseloare
- Wachtn ip de Tram, Polenpling Ruuslee
- Verbroederingsmonument 'Seyssel' , Sysêle
- Generoal Maczek, Polenpling Tielt
- Olivier den Duvel, Belfort Tielt
- Tanneke Sconyncx, Markt Tielt
- De Verteller, Marktpling Vichte
- Peird van Viven, Bradericpling Vivenkapelle
- De weireld achter 't boek, Gemêentepling Wyngne
- 't Poar, Korenmarkt Yzegem
- Carnavalvierders, Marktpling Zwevezêle
Marieke[bewerkn | brontekst bewerken]
't Beeld Marieke verwyst noa 't chanson van Jacques Brel met de zelfste noame. In 1988 liet de burgemêester van Brugge Frank Van Acker 't beeld zettn ip angeevn van journalist en Brelkenner Johan Anthierens. Ip de dertigste verjoardag van de dôod van Brel (9 oktober 2008) ist er e muzikale hulde gewist an 't beeld van Marieke an de Coupeure in Brugge.
|
Ofbeeldiengn die ier by passn ku je vien in de categorie Jef Claerhout van Wikimedia Commons. |