Johny Thio

Van Wikipedia
Dit artikel zou beter herschreevn zyn in 't Roeseloars.

Johny Thio in 1966

Johny Thio (Roeseloare, 2 september 1944 - Ooglee 4 ogustus 2008) wos e West-Vlamschn proffoetbolder.

Thio begoste te voetboln by FC Eendracht Hooglede en FC Roeselare. In 1963 gounk 'n na Club Brugge, woa dat 'n speelde tout 1975. Thio wos doa reksbuutn. En adde e sierlikkn vôorzet en e koste rap demareern. Thio wos messchiens nog 't mêest van ol bekend vo zyn corners die schône na binn droainde... en dikkers zelfs rechtstreeks binn goungn. 't Wos ouk olgemêen eweetn da 'n geirn uutgounk, vandoa zyn bynoame: Johny Tuborg.

Mi Club won 't 'n de Beker van Belgie in 1968 en 1970. In 1973 wos Thio kapiting van Club da vo 'n êeste kêe achter 'n Twiddn Weireldôorloge kampioen koste speeln, olouwel da 'n juste dat sezoen dikkers ekwetst wos. In die ploeg speelnde tope mi grôte noamn lik Raoul Lambert, Fons Bastijns en Pierre Carteus.

Thio speelde 293 matchn in 'n Êeste Klasse, en 22 Europeesche matchn mi Club Brugge (oogtepunt: kwartfinale teegn Chelsea in '71). E wos ouk 18 keirs Rôon Duvel.

J' endigde zyn speelderscarrière by KSV Sottegem in 3e (1975-1976) en SK Roeselare (1976-1977). Achter zyn speelderscarrière kwam Thio trainer by SK Gullegem, FC Roeselare, SK Oostnieuwkerke, SV Koekelare, Eendracht Hooglede en Club Roeselare.

Johny Thio is overleedn an e oaderbreuke ton da 'n 63 wos.

In Ooglee is 't er e stroate nor em vernoemd, de Johny Thiostroate.

Externe koppelienge[bewerkn | brontekst bewerken]