Jommeke

Van Wikipedia

Jommeke is 'n eld van de gelyknoamige stripreekse van Jef Nys.

Kenmerkn

Jommeke verjoart op 30 oktober, moar eigentlik bluuf 'n ol hêel zyn leevn 11 joar. En et bykan ossan de zelfste klêers an: e blauw débardeurtje, e wit emdetje met opgekoppelde mouwn, e kortn zwortn broek, en opgeplôoide kousen. E wunt in de fictivve gemêente Zonnedorp (Hemelstraat 12). E wunt doa mi zyn voader Theofiel en zyn moeder Marie. Jommeke e gin broers of zusters; en et wel e poapegoai (Flip) en e poar styve goe moatn: Filiberke, Annemieke en Rozemieke en Professor Gobelijn.

Jommeke is bykan nôois thuus. 't Is e trimmard die liever goa zoekn achter schattn of anger spannende diengn. E probeert ossan van d'anger menschen t'elpen: 't is e ventje met 't erte op de juuste plekke.