Karel VI van et HRR

Van Wikipedia
Ga naar: Begunplekkn, zoeken
Karel VI
16851740
Karel VI mè zyn keetn van d’Orde van et Gulden Vlies, deur Johann Gottfried Auerbach
Armoiries empereur Charles VI.svg
Keizer van 't HRR
Periode 17111740
Vôorganger Jozef I
Ipvolger Karel VII
Flag of Austria.svg
Aartshertog van Ôostnryk
Periode 17111740
Vôorganger Jozef I
Ipvolger Maria Theresia
Coat of arms of Hungary.png
Croatia, Historic Coat of Arms, first white square.svg
Blason Boheme.svg
Keunienk van Hongareye, Krowoasje en Boheemn
Periode 17111740
Vôorganger Jozef I
Ipvolger Maria Theresia
Voader Leopold I
Moeder Eleonora van Palts-Neuberg

Karel VI (Weenn, 1 oktober 1685 – Weenn, 20 oktober 1740) volgde in 1711 zyn oudere broere Jozef I ip als keizer van 't Hillig Rôoms Ryk, keunienk van Boheemn en Hongareye, en aartshertog van Ôostnryk. Je was de joungste zeune van keizer Leopold I en zyn derde vrouwe Eleonore van Palts-Neuberg.

J’ha Karel II van Spanje willn ipvolgn als Karel III, mo dat is nie gelukt. De latste Spoansche Habsburger Karel II was zwak en ziekelik en j’ha gin trôonipvolger. Omdan de machtsverhoudiengn in Europa nie zoun verstôord wordn achter zyn dôod, bemiddelde Willem III, prins van Oranje, stadhouder van Holland en ook keunienk van Iengeland. D’Europeesche landn sproakn of dan de Spoansche bezittiengn verdêeld mostn wordn tusschn Karel (die de joungste zeune was van keizer Leopold I) en Lodewyk, le Grand Dauphin, de zeune van Lodewyk XIV van Vrankryk.

Moar achter da Karel II gestorvn was, brak in 1701 de Spoansche Successieoorlog uut, die endigde in 1713 mè de Vrede van Utrecht.

De klêenzeune van Lodewyk XIV, Filips van Anjou, wierd erkend als keunienk Filips V van Spanje. De Zudelikke- of Spoansche Nederlandn giengn were no den Ôostnrykschn tak van ’t Huus Habsburg en kwoamn nu d'Ôostnryksche Nederlandn ounder Karel VI, die oundertusschn in 1711, achter den dôod van zyn oudere broere Jozef I, keizer gekommn was.

Karel trouwde in 1708 met Elisabeth Christine van Brunswyk-Wolfenbüttel. Z’haan vier jounges:

By zyn dôod stierf hêel ‘t geslacht Habsburg in mannelikke lyne uut. Karel VI ha gin mannelikke erfgenoamn die nog leefdn, mo deur de Pragmatieke Sanctie ip te stelln, kostn dochters ook de trône van under voader ervn.

Je wierd ipgevolgd deur zyn dochter Maria Theresia, die trouwde mè Frans I, den hertog van Lotharingen. Tegoare hen ze ‘t Huus Habsburg-Lotharingen gesticht.

Wikimedia Commons