Katje-duuk
Katje-duuk is e kienderspelletje woaby da êen persôon ol d'ander kiendjes moe zoekn.
Spelregels
[bewerkn | brontekst bewerken]Katje-duuk is e spelletje daj by vôorkeur buutn speelt. Êest moej weetn wie dat er d'ander moe zoekn. Dat kuj doen met een oftelrymtje. Bist da de zoeker an 't telln is, verduukn d'ander spelers nunder. De zoeker meugt bissenwyne nie kykn nateurlik. Soms moet de zoeker moa toet tiene telln, soms toet oenderd; dat angt er e bitje van of oe daj ofsprikt.
De zoeker goat, achter 't telln, op zoek na d'ander. Atn etwien ziet, moetn begunn roepn. Dat kut op verschillige maniern. Soms is 't enoeg om te zeggen: "<noame van 't kiendje dat oentekt is>, 'k en joen ezien." E doaby ku de zoeker oek de plekke vernoemn woa da 't kiendje verdookn is, om te bewyzn datn ni zeurt.
Soms kut et oek gebeurn dat de speler die ontdekt is zêre moe loopn na de plekke woa dat de zoeker aan 't teeln wos. Wie dat er êerst arriveert, oalt et:
- is 't de zoeker? Ton is de verduker epakt.
- is 't de verduker? Ton meugt de verduker nem were verduukn.
At de zoeker ol de kiendjes evoen et, ton es 't spel edoan. De winnoare is wie dat er 't latst verdookn wos. De verliezer is wie dat er 't êest epakt is. Die persôon is de zoeker in 't volgende spel.
De noame Katje-duuk
[bewerkn | brontekst bewerken]De ôorsproeng van 't wôord "katje" komt, volgens 't Etymologisch Woordenboek van Frans Debrabandere van 't Picardische "cache" (uutsproake catche). "Cache<Cacher" (Frans: chasse<chasser) wil zeggn "joagen, trachtn te vangen".
't Komt oek nog vôorn in andere spelletjes: katje-dran, katje-veroog, katje-kleur,... en oek in dutdrukkienge: katje-in, katje-joen