Keunienkryk Schotland

Van Wikipedia
Ga naar: Begunplekkn, zoeken
Keunienkryk Schotland

't Keunienkryk Schotland (Schots Gaelic: Rìoghachd na h-Alba, Schots: Kinrick o Scotland) was e land in West-Europa in 't nôordelik dêel van 't eiland Grôot-Brittannië, die in 't zuudn begrensd was deur 't Keunienkryk Iengeland. 't Bestound van 't joar 843 toet in 1707.

Woapn van de keunienk van Schotland toet an de Unie van krôonn in 1603


James VI van Schotland, James I van Iengeland en Ierland

Geschiedenisse[bewerkn | brontekst bewerken]

't Keunienkryk Schotland is ountstoan ounder de noame Keunienkryk Alba in 843. Volgens d' overleverienge zou Kenneth I 't land verênigd hen en den êeste keunienk gewist zyn.

In 't begun besloeg 't Keunienkryk Schotland of Alba 't gebied te nôordn van de riviern Forth en Clyde. Loater wierdn der andere keunienkrykn veroverd te zuudn dervan en an de nôordelikke kust.

Van 1262 toet 1266 wierd er oorloge gevoerd tusschn Schotland en Nôorweegn over 't bezit van de Hebriedn en 't eiland Man. Deur 't Verdrag van Perth kwoamn die gebiedn an Schotland.

In 1603 zyn 't Keunienkryk Iengeland en 't Keunienkryk Schotland verênigd ounder êen keunienk, James I van Iengeland/James VI van Schotland in e personele unie.

In 1707 is met de Acts of Union 't Schots parlement ountboundn en de stoat ipgeheevn, vo plekke te moakn vo de Unie tusschn Schotland en 't Keunienkryk Iengeland (927-1707), woadeure da 't Keunienkryk Grôot-Brittannië (1707-1800) ountstoan is.

Kykt ook noa[bewerkn | brontekst bewerken]

Wikimedia Commons