Klarinette

Van Wikipedia

E klarinette is e bloasinstrument da volt ounder de outbloazers. Deur da de klank gemakt wordt deur lucht te loatn trilln, ôor et by de aerofôonn. De geweune klarinette stoat in Bes, da wil zeggn oej ne do speelt klinkt et lik ne Sib. De noame klarinette is het verklêenwordje van clarino, Italioans vor e sôorte trompette.

Bouw[bewerkn | brontekst bewerken]

Klarinettn kun ounder andere gemakt zyn ut out, plastic, artn kalletchou of ivôor, mo de mêeste muzikantn gebruukn klarinettn uut Afrikoans out. Up et moundstik zit er e rietje die de lucht doe trilln en ezô de klank makt. 't Lichaam zelve is min of mêer cylindrisch en mondt uut in e klêene klankbeker. Der zittn redelyk vele goatn in 't lichaam, woavan dan der 7 deur de vingers bedekt kun zyn en de reste wordt oopn en toegedoan mi kleppn. Deur die goatn et de klarinette de grotste tôonofstand van ol de outbloazers, tôpe mi de fagotte. De tôonafstand angt of van instrument tot instrument, mor de Bes klarinette kut mêestol an de mi (in de fasleutel 4 up 't middelste lyntje). De ôogste note angt of van speler tot speler, mor de mêeste spelers kun an de do 3 octaven boovn de middendo.

Sôortn[bewerkn | brontekst bewerken]

Der zyn redelyk vele sôortn klarinettn, mo de mêest voorkomende van ôge no lêge zyn: de Es-klarinette, de A-klarinette, de Bes-klarinette, de altklarinette, de basklarinette en de contrabasklarinette.

Wikimedia Commons