Kliere van Cowper

Van Wikipedia
Ga naar: Begunplekkn, zoeken
Vôortplantiengsstelsel by de vint:
1. bloaze, 2. schoambêen, 3. penis, 4. zwellichoam, 5. eikel, 6. vôorvel, 7. openienge van de urinebuze, 8. dikke derm, 9. endelderm, 10. zoadbloasje, 11. ejaculoatiebuze, 12. prostoat , 13. Kliere van Cowper, 14. anus, 15. zoadleider, 16. byballe, 17. teelballe, 18. balzak

De kliere van Cowper of bulbo-urethroale kliere is één van de twêe klêne kliern die dêel uutmoakn van 't vôortplantiengsstelsel van de vint en andere mannelikke zôogbêestn. De kliere is genoemd achter den Iengelschn anatoom en chirurg William Cowper (1666–1709).

De kliern van Cowper hèn de vorm van een errewete en liggn an weerskantn van de urinebuze (urethra) ounder de prostoat.

Ze produceern e kleverig vocht, 't vôorvocht, dat de urinebuze zuvert. De zoadcelln passeern de kliere van Cowper, wordn voorzien van slym en wordn ton uutgestootn. Die zoadlozienge by de vint wordt ook ejaculoatie genoemd. 't Ejaculoat of sperma is 't gehêel van zoadcelln mè vocht van de zoadbloasjes, de prostoat en de kliere van Cowper.

De kliern van Cowper kommn overêen met de kliern van Bartholini by de vrouwe.