Koap Zwartenesse
Koap Zwartenesse (Frans: Cap Gris-Nez) es e steile kust langs de Fransche Opoalkust. 't Ligt up 't groundgebied van de gemeente Oudingem (Frans: Audinghen). De rotsn bestoan uit verstêende zêebodem uut 't Jura.
Liggienge
[bewerkn | brontekst bewerken]Koap Zwartenesse es 45 m oge, en ligt tusschn de badplekkn Witzand (Frans: Wissant) en Oderzele (Frans: Audresselles). 't Es de plekke die et dichtst van ol by Iengeland ligt; de bridte van 't Kanoal es doar moa 28 km. By schoon were ei je e schoon zicht up de white cliffs of Dover, de witte krytrotsn van 't Iengelsche Dover.
De nateure round die streke es prachtig en trekt veel toeristn en nateurliefebbers an. 6 kilomeiters vodder ligt Koap Blankenesse.
Geschiedenisse
[bewerkn | brontekst bewerken]Deurda de koape vlak by Iengeland ligt, eit Koap Zwoartenesse ol osan e strategisch belangrikke plekke gewist binst de oorloogn die Vrankryk en Iengeland uutgevochtn ein. En ook zowel Napoleon lik Hitler ein van de gunstige liggienge gebruuk gemakt by under plann vo Iengeland an te volln.
De streke ligt letterlik bezoaid mei bunkers die nog dateern uut den Twiddn Weireldoorloge. Ze maktn deel uut van de Duutsche Atlantikwall.
Oudingem es ol dikkers compleet vernield gewist.
Noame
[bewerkn | brontekst bewerken]De Fransche noame nez eit nietn mei neuzn te moakn moa komt van 't Oudnederlands nesta, wuk da wil zeggn "land da uutstikt up de zee".
 |
 |
 |
|
Ofbeeldiengn die ier by passn ku je vien in de categorie Cap Gris-Nez van Wikimedia Commons. |