Koasmoakery Passendoale

Van Wikipedia
Stichters van 't bedryf
Koasfabrieke

Koasmoakery Passendoale es 'n koasfabrieke in de Stoatiestroate in Passendoale. Ze ligt moa up 'n poar ounderd mèters van de Koasfabrieke van Môoslee. In 1991 wierd 't bedryf verkocht an den Hollansche groep Campina, moar in 2007 verkocht an 't Frans bedryf Bongrain. D'er werken à peu près 120 minsn.

Geschiedenisse[bewerkn | brontekst bewerken]

De koasmoakery van Passendoale es in de joaren twintig van de 20e êeuwe begunnn up 't of van de stichters Donck, me 't verwerken van underne eigen melk up 's Graventoafel in Passendoale. Da wos zukken succes da ze hêel rap boerderyn van in 't rounde moestn inschakeln vo mêer melk t'èn. De boerderye wierd wok te klêne en in 1932 beslisten ze vo uut te breidn en 'n groat zuvel- en koasbedryf te starten. Up s' Graventoafel es 't er nu "d'Oude Koasmoakery", 'n museum round koas.

Sichtend 'n antal joar wos Passendoale 'n ounderdêel van Campina. Moa dedie goan under in 't vervolg toeleggn up olfarte koazen en de koazen van Passendoale zittn in d'olfzochte category. Doarom es Passendoale nu verkocht an Bongrain.

Assortiment[bewerkn | brontekst bewerken]

  • Passendoale Classic: gemakt van koemelk, rounde vorme. De koas es nateurlik gerypt deur witschimmel. De koste es witbruun en kuj upeetn.
  • Passendoale Prelude: de groêne kleur van de Prelude wyst up 't feit da de koas joung es. 't Es nen olfarte jounge koas met 'n frisse smoake en 'n eetboare koste.
  • Père Joseph: es nen poaterskoas gemakt volgens traditioneel recept. J'èt 'n vulle, pittige smoake die deur nateurrypinge ountstoat. J'es gemakkelik t'herkennn an zyn dounkerbrune koste en nateurlik de poatre die up 't etikette stoat.
  • Wynendale: "de koas vo levensgenieters",es 'n deursmoakende koas gemakt van veske, rauwe melk.
  • Loo Light: es 'n olfarte poaterskoas me moa 15% absoluut vetgehalte mo toch de vulle smoake van poaterskoas.
  • Chevagne: es ne gêtekoas met 'n zochte, frisse en rômige smoake.
  • Rubens: es nen typische olfarte dessertkoas, gemakt van vulle melk uut de Diksmuidse polders.
  • Petrus: es wok nen typische poaterskaas gemakt volgens 'n oud recept overgeleverd deur de poaters van d'oude Abdy van Lo.

Externe koppelienge[bewerkn | brontekst bewerken]