Konrad I van Bourgondië

Van Wikipedia
Konrad I van Bourgondië
ca. 925-993
Keunienk van Bourgondië
Periode937-993
VôorgangerRudolf II
IpvolgerRudolf III
VoaderRudolf II
MoederBertha van Zwaabn.
't Keunienkryk Arles

Konrad I van Bourgondië (of Konrad III), bygenoamd de Vredelievenden (Conrad le Pacifique in 't Frans), (ca. 925 - 19 oktober 993) was de zeune van Rudolf II van Bourgondië en Bertha van Zwaabn. Je was e broere van Adelaide van Bourgondië, die getrouwd was met Otto I de Grôotn. Je wordt soms Konrad III genummerd achter Konrad I en Konrad II van Auxerre van 't Huus Welfn, de voader en grotvoader van Rudolf I van Bourgondië.

Zyn leevn[bewerkn | brontekst bewerken]

Zyn voader was den êeste keunienk van 't verênigd Bourgondië me Provence of 't keunienkryk Arles of Arelat. Achter zyn dôod volgde Konrad hem doar ip, mo je was nog te jounk vo te regeern. Hugo van Arles wilde doa van profiteern en je peisde van keunienk van Bourgondië te kunn wordn deur te trouwn me Konrad zyn moeder Bertha van Zwaabn. Moar in 938 kwam Otto de Grôotn van Duutsland no Bourgondië en je dwoung Hugo van were te kêern no zyn keunienkryk Italië. J'installeerde Konrad an zyn hof in Duutsland, je liet hem krôonn tout keunienk van Bourgondië en je liet hem trouwn me Mathilde van Vrankryk, dochter van zyn zuster Gerberga van Saksn en de Fransche keunienk Lodewyk IV van Overzêe.

Otto zelve trouwde me Konrad zyn zuster Adelaide en krêeg azo recht ip Italië omda ze weeuwe was van Lotharius II van Italië, de zeune van Hugo van Arles.

Konrad is begroavn in de kerke van Saint-Maurice in Vienne.

Vrouwn en jounges[bewerkn | brontekst bewerken]

Me zyn êeste vrouwe Adelaide had ie twi jounges:

Je trouwde in 964 me Mathilde van Vrankryk, dochter van Lodewyk IV van Overzêe en Gerberga van Saksn. Z'haan vier jounges:

  • Bertha (964-1016), getrouwd met Odo I van Blois en loater me Robert II van Vrankryk. Van hem most ze scheidn ounder druk van de paus.
  • Gerberga (ca. 965-1018)
  • Mathilde (ca. 969-?)
  • Rudolf III (ca. 971-1032), zyn ipvolger

Me zyn concubine Aldiud had ie e zeune:

  • Burchard, eirtsbisschop van Lyon
Rôod: Lodewyk IV van Overzêe (Vrankryk)
Oranje: Konrad I (Keunienkryk Arles)
Roze: Lotharius II (Italië)
Groen: Otto I (Duutsland)