Leopold II (HRR)

Van Wikipedia
Ga naar: Begunplekkn, zoeken
Leopold II
1747-1792
Portret van keizer Leopold II in uniform, ca. 1790
State flag simple of the Grand Duchy of Tuscany.svg
Grôothertog van Toscane
Periode 1765-1790
Vôorganger Frans Stefan
Ipvolger Ferdinand III
Armoiries empereur Léopold II.svg
Keizer en Rôoms-Duutsche keunienk
Periode 1790-1792
Vôorganger Jozef II
Ipvolger Frans II
Flag of Austria.svg
Aartshertog van Ôostnryk
Periode 1790-1792
Vôorganger Jozef II
Ipvolger Frans II
Coat of arms of Hungary.png
Croatia, Historic Coat of Arms, first white square.svg
Blason Boheme.svg
Keunienk van Hongareye, Krowoasje en Boheemn
Periode 1790-1792
Vôorganger Jozef II
Ipvolger Frans II
Armoiries Brabant.svg
Hertog van Broabant, Limburg, Lothier, Luxemburg, Milaan
Blason comte-des-Flandres.svg
Groaf van Vloandern, Henegouwn, Noamn
Periode 1790-1792
Vôorganger Jozef II
Ipvolger Frans II
Voader Frans I Stefan
Moeder Maria Theresia

Leopold II (Peter Leopold Jozef Anton Joachim Pius) (Weenn, 5 meie 1747 -Weenn, 1 moarte 1792), van ‘t Huus Habsburg-Lotharingen, was grôothertog van Toscane, keunienk en keizer van ’t Hillig Rôoms Ryk, keunienk van Boheemn en Hongareye en ook soeverein van d'Ôostnryksche Nederlandn.

Leopold II was e zeune van keizerinne Maria Theresia en heur vint Frans I Stefan. Je was e broere van Marie Antoinette. Êen van zyn andere zusters, Maria-Christina, was tegoare met heur vint Albrecht van Saksen-Teschen landvoogdesse van d’Ôostnryksche Nederlandn.

Je volgde zyn broere Jozef II ip in februoari 1790. Broabant was ip ’t ende van 1789 ounofhankelik gekommn achter de Broabantse omwentelienge en de 10ste januoari 1790 wierdn de Verênigde Nederlandse Stoatn ipgericht.

In 1789 woarn de Zudelikke Nederlandn in ipstand gekommn teegn ’t verlicht despotisme van Jozef II. De Brusselschn advocoat Hendrik van der Noot had in Breda e vrywillegersleger tegoare gebrocht en militaire hulpe gevroagd an Holland en Pruusn. In oktober 1789 vielt ie Brussel binn en d’Ôostnryksche landvoogdn mostn vluchtn. Mo deur de Fransche Revoluusje durfde Pruusn Ôostnryk nie verzwakkn. Ze woarn mêer benouwd van Vrankryk en ze groeidn were dichter no makkoar toe.

De derdn december 1790 kost Leopold II me zyn troepn Brussel were verovern, ‘t gezag van d’Ôostnrykers herstelln en een ende moakn an de Verênigde Nederlandse Stoatn. Je paste d’hervormiengn van zyn broere Jozef II minder strieng toe. De landvoogdn kostn were kêern no Brussel en de revolutionairn mostn vluchtn no ’t buutnland.

Leopold II trouwde me Marie Louise van Spanje. Z’haan zestien jounges. Je wierd ipgevolgd deur zyn oudste zeune Frans II.

Leopold II me zyn vrouwe en achte van zyn zestien jounges
Wikimedia Commons