Liudolfiengers

Van Wikipedia
Ga naar: Begunplekkn, zoeken
De familie van de Liudolfiengers uut e manuscript van de 12e êeuwe.

De Liudolfiengers of et Saksisch Huus, en achter de krônienge van de drie keizers Otto I, Otto II en Otto III ook et Ottoons Huus genoemd, woarn e Saksisch oadelik geslacht en e Duutsche keuniengsdynastie, die van 919 tout 1024 regeerde over et Hillig Rooms Ryk. Ze wierdn ipgevolgd deur et Salisch Huus.

De stamvoader was de Sakser, groaf Liudolf (†866), grotvoader van Hendrik de Veugeloare.

Achter da de Karoliengers uutgestorvn woarn in Oost-Francië, was Konrad I de verkoozn ipvolger van Lodewyk et Kiend. Je was den ênigste keunienk van et Frankisch Huus van de Konradynen.

Konrad I gaft den anzet tout et vormn van e grôot Duuts Ryk, deur Hendrik de Veugeloare an te duudn als zyn ipvolger. In 919 wierd Hendrik I verkoozn tout keunienk van Oost-Francië (Duutsland).

Tusschn 924 en 962 wierd er, achter et uutstervn van de Karoliengers, gin keizer mè gekrôond. Otto I, zeune van Hendrik de Veugeloare, kost et Hillig Rôoms Ryk herstelln, deurdat ie in 962 gekrôond wierd tout keizer. ’t Ottoons Huus wordt doadeure anzien als d’êeste dynasty die de Karoliengers en Karel de Grôotn, de stichter van et Hillig Rooms Ryk, ipvolgdn.

De keuniengn en keizers van et Ottoons Huus[bewerkn | brontekst bewerken]

  • Hendrik de Veugeloare, hertog van Saksn van 912, keunienk van Duutsland van 919-936.
  • Otto I de Grôotn, hertog van Saksn van 936-961, keunienk van Duutsland van 936-973, keunienk van Italië van 951-973, keizer van et HRR van 962-973.
  • Otto II, keunienk en keizer (†983)
  • Otto III, keunienk en keizer (†1002)
  • Hendrik II, den Hillign, keunienk en keizer (†1024)

Kykt ook no de Lyste van Rooms-Duutsche keuniengn en keizers van et Hillig Rooms Ryk.

Wikimedia Commons