Lodewyk, le Grand Dauphin

Van Wikipedia
Lodewyk, le Grand Dauphin

Lodewyk, le Grand Dauphin (Fontainebleau, 1 november 1661 - Meudon, 14 april 1711) was den oudste zeune van de Fransche keunienk Lodewyk XIV en van Maria-Theresia, dochter van Filips IV van Spanje.

By zyn geboorte haan ze vorspeld dat ‘n zeune van e keunienk, voader van e keunienk, mo nôoit zelve keunienk zou zyn, en dat is loater uutgekommn.

Je zette de Fransche Bourbon-familie vôort via de zeune van zyn oudste zeune Lodewyk (Lodewyk XV was zyn klêenzeune), en je begost de Spoansche Bourbon dynastie via zyn twidde zeune Filips van Anjou.

Lodewyk was den ênigste wettige zeune van Lodewyk XIV die nie in zyn kienderjoarn stierf, mo Lodewyk XIV overleefde zowel hem of zyn zeune Lodewyk, le Petit Dauphin, die dus olle twêe krôonprins woarn, mo gin ipvolger.

Zyn rolle binst de Spoansche Successieoorlog was toamelik grôot, omdat ‘n recht haad ip e stik van 't Spoans ryk van Karel II. Moar uutendelik kwam zyn zeune Filips keunienk van Spanje.

Vrouwe en joenges[bewerkn | brontekst bewerken]

Lodewyk trouwde in 1680 mè Maria Anna van Beiern. Z’haan drie zeuns:

  • Lodewyk, hertog van Bourgondië en achter den dôod van zyn voader krôonprins van Frankryk, Lodewyk le Petit Dauphin genoemd. Lodewyk XV was zyn zeune.
  • Filips, hertog van Anjou, van 1700 keunienk van Spanje.
  • Karel, hertog van Berry

Zyn vrouwe stierf in 1690, en in 1695 ist ’n in den duuk getrouwd mè zyn maîtresse Marie Emilie Thérèse de Joly de Choin. Ze krêeg nie den titel Dauphine en z’haan gin joenges.

Lodewyk haad ook nog twi oenwettige dochters mè Françoise Pitel:

  • Anne Louise de Bonbour
  • Charlotte de Fleury

Met ‘n andere maîtresse, Marie Anne Caumont de La Force, haad ‘n êen dochter:

  • Louise Émilie de Vautedard