Lodewyk III van Oost-Francië

Van Wikipedia
Lodewyk III van Oost-Francië
835- 882
't Verdrag van Voern tusschn Lodewyk III en Lodewyk den Hakkeloare (876)
Keunienk van Saksn
Periode876-882
(achter 880 ook van Beiern)
VôorgangerLodewyk den Duuts
(Oost-Francië)
Karloman (Beiern)
IpvolgerKarel den Dikkn
Keunienk van Lotharingen
Periode880-882
Vôorgangertout 869 Lotharius II
in 870 verdêeld ounder:
Oost- en West-Francië
IpvolgerKarel den Dikkn
VoaderLodewyk den Duuts
MoederEmma

Lodewyk III van Oost-Francië, bygenoamd de Joungn (ca. 835 - 20 januoari 882), was de twidde zeune van Lodewyk den Duuts en Emma, dochter van groaf Welf I.

In 876 stierf Lodewyk den Duuts, en zyn halfbroere Karel de Kletsn van West-Francië profiteerde van de situoasje vor Oost-Francië met e grôot leger binn te valln. Je wilde ’t ôostelik stik van Lotharingen, dat achter ‘t Verdrag van Meerssen by Oost-Francië gekommn was, verovern. Mo den 8stn oktober 876 kost Lodewyk de Joungn zyn nounkel versloan mè zyn klinder leger in de Slag van Andernach.

Achter die overwinnienge wierd Oost-Francië volgns de divisio regnorum verdêeld ounder de drie zeuns van Lodewyk den Duuts:

  • Karloman krêeg Beiern
  • Lodewyk krêeg Saksn en Frankn (of Franconië)
  • Karel krêeg Zwaabn (Alemannië)

Den êestn november 878, e joar achter den dôod van Karel de Kletsn, kwam zyn zeune Lodewyk den Hakkeloare mè Lodewyk de Joungn tegoare in Voern, vo d’akkôordn van ‘t Verdrag van Meerssen te bevestign. Ze sproakn of van tegoare an één kant te stoan teegn de Vikings en makoars jounges te beschermn. Mo de jounges en klêenjounges blêevn nog vechtn vo Lotharingen tout in 880.

In 879 krêeg Lodewyk zyn oudste broere Karloman, die keizer zou wordn, e beroerte en je most zyn bezittiengn verdêeln ounder zyn broers. Lodewyk de Joungn krêeg Beiern derby en Karel den Dikkn Italië.

In 880 wierd 't Verdrag van Ribemont getêeknd tusschn Lodewyk de Joungn en Lodewyk III en Karloman van West-Francië, de klêenjounges van Karel de Kletsn. ’t Westelik stik van Lotharingen, dat achter ’t Verdrag van Meerssen in 870 by West-Francië gekommn was, kwam nu ook by Oost-Francië. Lodewyk de Joungn krêegt doadeure hêel Lotharingen.

Vrouwe en jounges[bewerkn | brontekst bewerken]

Lodewyk III is den 29stn november 874 getrouwd mè Liutgard, de dochter van groaf Luitdolf. Under jounges:

  • Lodewyk (877-879)
  • Hildegard (ca 878 - 895)
  • Hugo (ounwettig ca 855 - 880)

Lodewyk stierf in 882 en j’is begroavn in Lorsch. Omdat ’n gin wettige erfgenoamn had, erfde zyn broere Karel den Dikkn zyn bezittiengn.

Je wordt soms verward me keizer Lodewyk III, bygenoamd Lodewyk den Blendn.

De verdêlienge van Oost-Francië achter 'n dôod van Lodewyk den Duuts in 876. Lodewyk de Joungn (groen), Karloman van Beiern (purper), Karel den Dikkn (roze).
't Ryk van Lodewyk de Joungn in ’t groen achter 'n dôod van zyn oudere broere
Karloman van Beiern in 880
Wikimedia Commons