Lodewyk den Hakkeloare
Uit Wikipedia
| 846- 879 | ||||||
|---|---|---|---|---|---|---|
 |
||||||
 |
||||||
|
||||||
 |
||||||
|
||||||
 |
||||||
|
||||||
|
Lodewyk II van West-Francië, bygenoamd den Hakkeloare, van 't Huus van de Karoliengers (1 november 846 - Compiègne, 10 april 879), was den oudstn zeune van Karel den Kletsn en Ermentrude van Orléans.
Je volgde zyn joungere broere ip in Aquitanië in 866. Achter den dôod van zyn voader in 877 kwamt ’n keunink van West-Francië. Je wierd den 8stn december 877 gekrôond deur aartsbisschop Hincmar van Reims en den 7stn september 878 deur paus Johannes VIII.
Den êestn november 878, e joar achter den dôod van zyn voader, ist 'n in Voern tegoare gekommn me Lodewyk den Joungn, zeune van Lodewyk den Duuts. Ze bevestigdn doa d’akkôordn van ‘t Verdrag van Meerssen. Z’han ofgesprookn van tegoare an één kant te stoan teegn de Vikings en makoars jounges te beschermn.
Lodewyk den Hakkeloare overleefde zyn voader mo twi joar en j’is nôois gin keizer gewist. De volgndn keizer, Karel den Dikkn, is mor in 881 gekrôond.
[bewerkn] Vrouwn en jounges
Me zyn êeste vrouwe Ansgarde van Bourgondië had ’n twi zeuns en twi dochters.
- Lodewyk III
- Karloman
- Hildegarde
- Gisela
Me zyn twidde vrouwe Adelaide van Parys had ’n e dochter en e zeune. Zyn derde zeune Karel is mo geboorn achter zyn dôod.
- Ermentrude
- Karel (den Simpeln)
Zyn zeuns zyn olle drieë keunink van West-Francië gewist.
Achter zyn dôod volgdn zyn twi oudste zeuns hem ip. Ze woarn nog mo 15 en 13 joar oud.
Provence wilde ze nie ols ipvolger en ze koozn Boso van Provence, die gin Karolienger was. Je stichtte ‘t keuninkryk Lêger-Bourgondië (of Cisjuranië) en je liet hem uutroepn tout keunink.
 |
Mêer ofbeeldiengn die ier by passn ku je vien in de categorie Lodewyk II van Wikimedia Commons. |
