Lyste van hertoogn en keuniengn van Boheemn

Woapn van et keunienkryk Boheemn

Hier volgt de lyste van hertoogn en keuniengn van Boheemn.

Legendoarische figeurn

• Lech, Čech, en Rus: De legende van de drie broers die de drie Sloavische noaties stichtegn: Pooln (Lechia), Boheemn (Čechy, nu de Tsjechische Republiek), en Ruthenië (Rus, nu Rusland, Ruthenië (Wit-Rusland) en Ukraine).
• Krok
• Libuše, zyn dochter
• Přemysl de Ploeger, heur vint (de mythische vôorouder van de Přemysliden-dynastie van hertoogn en keuniengn van Boheemn)
• Nezamysl
• Mnata
• Vojen
• Vnislav
• Křesomysl
• Neklan
• Hostivít

Hertoogn

Huus Přemysliden

• Bořivoj I (c.870–888/9) liet de bekendn Praagschn Burcht bouwn in 880
• Spytihněv I (894–915), zeune van Bořivoj I
• Vratislaus I (915–921), broere van Spytihněv I
• Wenceslaus (Václav) I (921–935), zeune van Vratislaus I; ook Wenceslaus den Hillign genoemd omdat ie hillig verkloard is deur de Rooms-katholieke Kerke. Wenceslaus is de beschermhillign van Boheemn en van Tsjechië. De Wenceslausplatse in Praag droagt zyn noame siddert 1848.
• Boleslaus I (935–972), broere van Václav I
• Boleslaus II (972–999), zeune van Boleslaus I
• Boleslaus III (999–1002) zeune van Boleslaus II
• Vladivoj (1002–1003), e Poolschn prins van de Piastn-dynasty. (Poolsche noame Władywoj)
• Boleslaus III (1003, were)

Huus Piasten

• Boleslaus I van Pooln (1003–1004), van de Piastn-dynasty

Huus Přemysliden

• Jaromir (1004–1012), broere van Boleslaus III
• Oldřich (1012–1033), broere van Jaromír
• Jaromír (1033–1034, were)
• Oldřich (1034, were)
• Bretislaus I (1034–1055), zeune van Oldřich
• Spytihnev II (1055–1061), zeune van Břetislav I
• Vratislaus II (1061–1092). Keunienk (1085–1092) ols Vratislaus (of Vratislav) I. Broere van Spytihněv II.
• Konrád I. Brněnský (van Brno), (1092), broere van Vratislav II
• Břetislav II (1092–1100), neve van Konrád I, zeune van Vratislav II
• Bořivoj II (1101–1107) , broere van Břetislav II
• Svatopluk (1107–1109), kozyn van Bořivoj II
• Vladislaus I (1109–1117), broere van Bořivoj II
• Bořivoj II (1117–1120, were)
• Vladislaus I (1120–1125, were)
• Soběslav I (1125–1140), broere van Vladislaus I
• Vladislav II (1140–1172). Keunienk 1158–1172 as Vladislav I. Neve van Soběslav I, zeune van Hertog Vladislav I.
• Frederick (1172–1173), zeune van Vladislav II
• Soběslav II (1173–1178), zeune van Soběslav I
• Bedřich (1178–1189)
• Konrád II (1189–1191), stamt of van Konrád I
• Wenceslaus II (1191–1192), broere van Soběslav II
• Přemysl I. Otakar (1192–1193), zeune van Vladislav II
• Bretislaus III (1193–1197), kozyn van Přemysl I. Otakar
• Vladislaus III (1197), broere van Přemysl I. Otakar
• Přemysl I. Otakar (1197–1198, were). Je kwam keunienk in 1198, en dien titel kwam erfelik.

Keuniengn

Erfelikke keuniengn
Huus Přemysliden
	Noame	Doatum	Nota’s
	Přemysl I. Otakar of Ottocar I	1198–1230	’t Feit da de keunienklikkn titel erfelik kwam wierd anveird deur de Rooms-Duutsche keunienk Filips van Zwaabn, zeune van keizer Frederik I Barbarossa, en ‘t wierd bevestigd in 1212 deur de Goudn Bulle (zegel) van Sicilië.
	Wenceslaus I of Václav I	1230–1253	Zeune van Přemysl I. Otakar. Je trouwde mè Cunigonde van Hohenstaufen, dochter van Filips van Zwaabn.
	Přemysl II. Otakar of Ottocar II	1253–1278	Zeune van Wenceslaus I. Je was ook hertog van Oostnryk, Stiermarkn, Karinthië en Krain, en markgroaf van Moravië.
	Wenceslaus II	1278–1305	Zeune van Přemysl II Otakar. Ook keunienk van Pooln.
	Wenceslaus III	1305–1306	Zeune van Wenceslaus II. Ook keunienk van Pooln en Hongareye. Je was de latstn van de Přemysliden die regeerde over Boheemn.
Huus Meinhardin (of Görz)
	Hendrik van Karinthië	1306	Getrouwd met Anna van Boheemn, zuster van Wenceslaus III.
Huus Habsburg
	Rudolf I van Boheemn	1306–1307	Rudolf III van Oostnryk. Zeune van den Habsburger Albrecht I
Huus Meinhardin (of Görz)
	Hendrik van Karinthië	1307–1310	Getrouwd met Anna van Boheemn, zuster van Wenceslaus III.
Huus Luxemburg
	Jan I van Boheemn	1310–1346	Getrouwd met Elisabeth van Boheemn, nog e zuster van Wenceslaus III. Jan van Luxemburg, die Jan I van Boheemn kwam, was de zeune van Hendrik VII van Luxemburg, den êeste keunienk en keizer van 't Hillig Rooms Ryk van 't Huus Luxemburg.
	Karel IV	1346–1378	Zeune van Jan I. Je was den êeste keunienk van Boheemn die ook keizer van 't HRR kwam.
	Wenceslaus IV	1378–1419	Zeune van Karel IV. Ook Rooms-Duutsche keunienk als Wenzel I (tout 1400).
	Sigismund	1419–1437	Broere van Wenceslaus IV. Keizer van 't HRR en keunienk van Hongareye (als Zsigmond).
Huus Habsburg
	Albrecht	1437–1439	Schonzeune van Sigismund. Ook Rooms-Duutsche keunienk als Albrecht II en keunienk van Hongareye.
	Interregnum	1440–1453	D’ipvolgienge van Albrecht zyn zeune was êest nie erkend deur den oadel van Boheemn.
	Ladislaus Posthumus	1440/1453–1457	Zeune van Albrecht, geboorn achter den dôod van zyn voader. Ook keunienk van Hongareye.
Huus Kunstadt
	George van Podebrad	1457–1471	Verkoozn keunienk deur den oadel van Boheemn.
Huus Hunyadi
	Matthias Corvinus	1469–1490	Verkoozn.
Huus Jagiello
	Vladislaus II van Hongareye	1471–1516	Verkoozn.
	Lodewyk II van Hongareye	1516–1526	Zeune van Vladislaus II. Getrouwd mè Maria van Hongareye, zuster van Keizer Karel V en Ferdinand I
Huus Habsburg
	Ferdinand I	1526–1564	Schonbroere van Lodewyk II. Keizer van 't Hillig Rooms Ryk van 1558.
	Maximiliaan II	1564–1576	Zeune van Ferdinand I en klêenzeune van Vladislav II. Keizer van 't HRR.
	Rudolf II	1576–1611	Zeune van Maximiliaan II. Ook keunienk van Hongareye en keizer van 't HRR. Je verplatste in 1583 't keizerlik hof van Weenn no Praag.
	Matthias	1611–1618	Broere van Rudolf II. Ook keunienk van Hongareye en keizer van 't HRR.
	Ferdinand II	1618–1619 1620-1627	Kozyn van Matthias. Ook keunienk van Hongareye en keizer van 't HRR.
	Frederik	1619–1620	In 1618 kwoamn de protestantsche Boheemn in ipstand teegn keizer Ferdinand II, die vo de contrareformoasje was, en begost in Praag de Dertigjoarign Oorloge. De Boheemschn oadel wilde Frederik V van de Pfaltz van et Huus Wittelsbach ip de trône, die de wienterkeunienk genoemd wordt omdat ie mor e wienter keunienk was. Keizer Ferdinand II kost zyn gezag were herstelln achter dat ’t Boheems leger versleegn wierd binst de Slag ip de Wittn Berg (8-11-1620).
	Ferdinand III	1627–1657	Zeune van Ferdinand II. Ook keunienk van Hongareye en keizer van 't HRR.
	Ferdinand IV	1646–1654	Zeune van Ferdinand III. Ook keunienk van Hongareye en Rooms-Duutsche keunienk, gin keizer.
	Leopold I	1657–1705	Broere van Ferdinand IV. Ook keunienk van Hongareye en keizer van 't HRR.
	Jozef I	1705–1711	Zeune van Leopold I. Ook keunienk van Hongareye en keizer van 't HRR.
	Karel VI	1711–1740	Broere van Jozef I. Ook keunienk van Hongareye en keizer van 't HRR.
	Karel VII	1741–1743	Van et Huus Wittelsbach. Schonzeune van Jozef I. Antikeunienk teegn Maria Theresia binst ‘n Ôostnryksche Successieoorloge. Keizer van 't HRR.
	Maria Theresia van Ôostnryk	1740–1780	Dochter van Karel VI. Ook keuniginne van Hongareye.
Huus Habsburg-Lotharingen
	Jozef II	1780–1790	Zeune van Maria Theresia. Ook keunienk van Hongareye en keizer van 't HRR.
	Leopold II	1790–1792	Broere van Jozef II. Ook keunienk van Hongareye en keizer van 't HRR.
	Frans II	1792–1835	Zeune van Leopold II. Ook keunienk van Hongareye. Latste keizer van 't HRR (in 1806 ipgezeid deur Napoleong). Van 1804 tout 1835 êeste keizer van Ôostnryk ounder de noame Frans I.
	Ferdinand I van Ôostnryk	1835–1848	Zeune van Frans II/I. Ook keizer van Ôostnryk en keunienk van Hongareye. De latste gekrôonde keunienk van Boheemn. Je most vluchtn achter de revoluusje van 1848 en je dêed ofstand van de trône in ’t vôordêel van zyn neve Frans Jozef.
	Frans Jozef I van Ôostnryk	1848–1916	Neve van Ferdinand I. Ook keizer van Ôostnryk en keunienk van Hongareye.
	Karel I van Ôostnryk	1916–1918	Achterneve van Frans Jozef I. Ook keizer van Ôostnryk en keunienk van Hongareye.