Mêesn

Van Wikipedia
Dit artikel es geschreevn in 't Mêesns, en da zou best ozô bluuvn.

België Stad Mêesn

Liggienge binn 't arroundissement Yper
in de provinsje West-Vloandern
Geografie
Gewest Vloandern
Provincie West-Vloandern
Arroundissement Yper
Liggienge {{{nb}}} NB {{{ol}}} OL
Coördinoatn 50°45′NB 2°53′OL
Ippervlak 3,58 km²
Inweuners (Bron: NIS)
Inweuners
– Vintn
– Vrouwn
Bevolkiengsdichtheid
1.040 (01/01/2018)
50,58%
49,42%
290,50 inw./km²
Leeftydsipbouw
0–17 joar
18–64 joar
65 joar en ouder
(01/01/2013)
20,76%
60,28%
18,96%
Buutnlanders 13,27% (01/01/2018)
Weirklôoseidsgroad 8,53% (01/10/2018)
Polletiek
Burgemêester Sandy Evrard (MLM)
Coaliesje MLM
Zetels
MLM
RESPECT!
9 (2019-'24)
7
2
Dêelgemêentn me postcode
Postcode Dêelgemêente
8957 Mêesn
And're info
Zonenummer 057
Poliesjezone {{{polz}}}
Webadres www.mesen.be

Mêesn (officieel Nederlands: Mesen) is een steej in West-Vloandern. 't Is officieel 't klènste stadje van België. Mêesn legt juste lasen 't Euvelland. 't Is een steej op z'n eigen omdan d'r ouk faciliteiten zyn voe Franstoaligen. D'r weun om en by de 1.000 menschen.

Geschiedenisse[bewerkn | brontekst bewerken]

  • De glôrietyd van Mêesn legt ol lange in 't verleden. In 'n tyd van de loakenindustrie (12stn êeuw) wos de stad redelik belangryk, want ze lag op de route tusschen Rysel (Lille) en Yper. Lik ol de grôte steedn a ze e joarmart. Doarachter kwam et verval.
  • In 1776 sticht keizerinne Maria Theresia van Ôostnryk 't Keuninklik Gesticht van Mêesn, achter dat de vroeger abdy wos ofgeschaft. 't Is doamei d'oudste Oopnboare Instellieng van Belgie.
  • In 'n Êestn Weireldôorlog wos de stad hêlegansn plat gebombardeerd, want in 1917 wos 't er een zwoarn veldslag tusschen de Geallieerde en 'n Duuts: de Twidde slag om Mêesn.
  • Mêesn probeert nu surtout de toeristische kaarte te trekkn. De stad positioneert ze zevn als vredesstad. Vele toeristn ut 't Gemênebest passeern ouk ol Mêesn als ze nar Yper en Passchendoale komn.

Beziensweirdigheedn[bewerkn | brontekst bewerken]

De tôorn in 't Iers Vredespark
Kykt noa Bouwkundig erfgoed in Mêesn
  • Veel kerkoovn ut 'n Êestn Weireldôorlog.
  • De Sint-Nikloajkerke die in de volksmound "'n Dikkop" wordt genoemd. "Dikkoppn" is sedertdien ouk de bynoame van de Mêesnoars.
  • Ounder de Sint-Nikloajkerke legt er e Romaanse crypte uut den 11stn êeuw. Doa legt er ouk e gedenkploate voa Adela van Mêesn.
  • De tôorn in 't Iers Vredespark: e monument ter êre van ol de Iersche soldoatn (zowel katholiekn als protestantn) die zy-an-zy mi makoar gevochn en tegen de Duutsche. 't Wos inhuldigd op 11/11/1998 deur Mary McAleese (president van Ierland), keuniginne Elizabeth II van Iengeland en keuning Albert II van België.
  • Z'en ouk e nieuw hotel vo de joenge gasten uut Ierland.

Polletiek[bewerkn | brontekst bewerken]

De burgemeester is Sandy Evrard. Evrard is van de blauwe. De blauwe en ol sedert 'k weetni oe lange de mêerderied in Mêesn. Achter de gemêenteverkiezingn van oktober 2018 is de situoasje als volgt:

  • MLM (Mesense Liberalen/Liberaux Messinois): 7 zetels
  • RESPECT: 2 zetels

Mêesn komt dikkers in 't nieuws omda de gemêentebelastingn zo oge leggn. Da komt volgens de mêerderied omdat 't zuk e klêen stadje is da voer olles zelve moet opdroajn. Oe da 't ouk is: in een enquête ounder d'eigen bevokinge va Het Nieuwsblad (4/9/2006) kwam Sandy Evrard na vôorn as de sympathiekstn burgemêester va Vloandern. De latste joarn probeert Evrard, ondanks zyn numerieke machtsposisje, toch overêen te komn met de minderied.

Lokoale anduudiengn[bewerkn | brontekst bewerken]

Sommigte plekkn in Mêesn goa je ni were viengn op e kaarte, moar olleman terplekke wit wuk da ze willn zeggn.

  • 't Kruus: e levensgrôot kruus mi Jezus op 't ende van 't bewunde stik van de Ryselstroate
  • Ipperoek: e gebied da dêels in Mêesn, dêels in Wytschoate legt.
  • Beiroek (Beerhoek): d'uuzn tusschen de Gentstroate en d'Ermentiersstroate.

Trivia[bewerkn | brontekst bewerken]

Wikimedia Commons

Externe koppelienge[bewerkn | brontekst bewerken]

 
Provinsje West-Vloandern
Vlagge van de provinsje West-Vloandern

Anzegem | Ardôoie | Beirnem | Blanknberge | Brèinienge | Brugge | D'n Oane | Damme | De Panne | Deirlyk | Dentergem | Diksmude | Euvelland | Gistel | Ichtegem | Iengelmunstr | Jabbeke | Knokke-Heist | Koksyde | Kookloare | Kortemark | Kortryk | Kuurne | Langemark-Poelkapelle | Legem | Lendlee | Lichtervelde | Lo-Rênienge | Mêenn | Mêesn | Middelkerke | Môoslee | Mullebeke | Nieuwpôort | Oalveringem | Oarelbeke | Oavelgem | Oedeburg | Oetulst | Ooglee | Ôostkamp | Ôostrôzebeke | Ostende | Pittem | Poperienge | Roeseloare | Ruuslee | Spiere-Elkyng | Stoan | Tielt | Toeroet | Veurne | Vletern | Wervik | Wevelgem | Wielsbeke | Wiengne | Woaregem | Yper | Yzegem | Zillegem | Zunnebeke | Zuunkerke | Zwevegem


België | Provinsjes