Maagdntorre in Zichem

Van Wikipedia
De Maagdntorre in meie 2006, Juuste vô dat je up 1 juni gedêeltelik in mankaor stuuktige

De Maagdntorre in Zichem is een gebouw uut de 14e êeuwe (1383-1430).

De torre wordt ook de Markntorre, Lanteirntorre of 't Vat van Zichem genoemd. Vo de moment is 't nie dudelik woavôorn dat de torre gebruukt is. 't Zou kunn'n een verdedigiengstorre of een weuntorre gewist hèn. Maagdntorre zou kunn'n verwyzn noar een legende, binst dat een studie van 1969 peist dat 't een verdedigiengstorre zou gewist zyn. De name Markntorre (mark = grenze) steunt dien interpretoasje ook.

Willem II van Gulik verkocht Zichem in 1383 an Renier I van Schoonvorst. Zyn zeune, Renier II van Schoonvorst liet de torre bouwn, en zyn wapenschild is up 't êeste verdiep te zien. Round 1430 verkocht Renier zyn bezittiengn an Thomas II, hêer van Diest.

Binst de Tachtigjoarige Ôorloge verlôor de torre ounder mêer zyn uphoalbrugge en zyn bovenste verdiep. De torre is grestorèrd gewist in 1865, 1903 en 2007.