Magyoarn

Van Wikipedia
Ga naar: Begunplekkn, zoeken
De Magyoarn ounder Árpád
Migroasje van de Magyoarn

De Magyoarn, vôorouders van d’etnische Hongoarn, woarn nomoadn die ôorsprounkelik ofkomstig woarn van et middn-Wolgagebied en doa verdreevn wierdn deur de Mongooln.

’n Dêel van ‘t volk, de loatere Finnen, vertrok nor et nôordwestn, woadeure dan de Finno-Oegrische toaln nu nog in Finland, Estland, Hongareye en in ‘t Oeralgebied geklapt wordn.

Ounder Árpád (896-907) woarn der zeevn stammn van de Magyoarn die vertrokkn no ’t westn, vor under in ‘t bekkn van de Karpoatn te vestign. ’t Gebied was ounder de Romeinn e stik van de provinsje Pannonia en ’t was beweund gewist deur Hunnen, Ostrogootn en Sloavn, die et Grôot-Moroavisch ryk stichtegn.

Achter dat et Grôot-Moravisch ryk uutêen viel deur d’invoazje van de Magyoarn, bezettegn ze in 907 de vlakte tusschn Tisa en Donau en ze paktn de maniere van leevn en de godsdienst over van de Sloavn. Ze vieln geregeld de Duutsche gebiedn binn en ze zyn lange de schrik van Europa gewist. In 955 zyn ze definitief versleegn gewist in de Slag by Augsburg deur Otto I de Grôotn van et Hillig Rôoms Ryk.

De Stefanskrône

István, die zyn voader Geza in 997 ipvolgde, was de stichter van et keunienkryk Hongareye. Je wierd in ’t joar 1000 deur paus Sylvester II tout Apostolische keunienk gekrôond. In de geschiedenisse stoat ie bekend als Stefanus den Hillign. Je zoudt de Stefanskrône gedreegn hen, mo de krône dateert eigentlik van e loatern doatum.

Van ton paktn de Magyoarn de westerse maniere van leevn en under godsdienst over.

Kykt no de Lyste van keuniengn van Hongareye.