Margaretha van Male

Van Wikipedia
Ga naar: Begunplekkn, zoeken
Margaretha van Male
1350-1405
Margaret of Dampierre.jpg
Blason Ducs Bourgogne (ancien).svg
Hertoginne van Bourgondië
(mè Filips van Rouvres)
Blason fr Bourgogne.svg
Hertoginne van Bourgondië
(mè Filips de Stoutn)
Periode 1357-1361
1369-1404
Vôorganger Odo IV van Bourgondië
Lodewyk van Male
Ipvolger Jan zounder Vrees
Blason Comte-de-Flandre.svg
Gravinne van Vloandern
Artois Arms.svg
Gravinne van Artesië
Blason comte fr Nevers.svg
Gravinne van Franche-Comté
Periode 1384-1405
Vôorganger Lodewyk van Male
Ipvolger Jan zounder Vrees
Blason comte fr Nevers.svg
Gravinne van Nevers
Periode 1384
Vôorganger Lodewyk van Male
Ipvolger Filips II van Nevers
Blason Rethel.png
Gravinne van Rethel
Periode 1384-1393
Vôorganger Lodewyk van Male
Ipvolger Antoon van Bourgondië
Voader Lodewyk van Male
Moeder Margaretha van Broabant

Margaretha van Male (Male (by Brugge), 13 april 1350 - Atrecht, 16 of 21 moarte 1405), was gravinne van Vloandern, Artesië, Franche-Comté, Nevers en Rethel, en twi kis hertoginne van Bourgondië. Met heur êeste vint, Filips van Rouvres, van 1357 tout 1361 en met heur twidde vint, Filips de Stoutn, van 1369 tout 1404.

Deur heur huwelik mè Filips de Stoutn kwam ze de stammoeder van d’hertogelikke Valois-dynastie van Bourgondië.

Heur leevn[bewerkn | brontekst bewerken]

Margaretha van Male was d’ênigste dochter en erfgenoame van Lodewyk van Male. Heur moeder, Margaretha van Broabant, was de twidde dochter van Jan III, hertog van Broabant, Lothier en Limburg.

In 1357, an heur zeevn joar, wierd ze uutg’huwelikt an Filips van Rouvres, die ton elf joar oud was. Je was hertog van Bourgondië en groaf van Artesië en Franche-Comté, mo je stierf ip 21 november 1361 zounder jounges.

Keunienk Jan II van Frankryk, e klêenzeune van Robert II van Bourgondië erfde 't hertogdom Bourgondië en gaf ’t twi joar loater deure an z’n joungste zeune Filips de Stoutn. In 1369 trouwde Margaretha met hem en krêeg z’heur vroeger hertogdom were.

Ot heur voader stierf in 1384 erfdn zy en heur vint de groafschappn Vloandern, Nevers, Rethel, Artesië en Franche-Comté.

D’erfregelienge an heur moeders kant[bewerkn | brontekst bewerken]

Heur moeders voader Jan III van Broabant stierf in 1355. Zyn oudste dochter Johanna van Broabant (de tante van Margaretha van Male) erfde zyn hertogdommn, omda zyn twi zeuns ol dôod woarn. Mo die erfregelienge wierd betwist deur heur schonbroers Lodewyk van Male en Reinoud III van Gelre. Die familieruuzje leidde tout de Broabantsche Successieoorloge.

In 1383 stierf Johanna van Broabant heur vint, Wenceslaus I van Luxemburg. Achter zyn dôod begost ze mêer en mêer partye te kiezn vor heur neve Filips de Stouten, die in 1390 zyn vrouwe Margaretha van Male (dochter van Johanna ’s joungere zuster) ols erfgenoam liet erkenn, en in 1404 wierd under twidde zeune Antoon anveird ols ruwoard. Achter Johanna ‘s dôod in 1406 erfde Antoon ’t hertogdom Broabant, Lothier en Limburg.

Under jounges[bewerkn | brontekst bewerken]

Z’haan acht jounges:

  • Jan (1371-1419)
  • Karel (1372-1373)
  • Margaretha van Bourgondië (1374-1441), trouwde mè Willem II van Beiern (groaf van Henegouwn-Holland-Zêeland), d’ouders van Jacoba van Beiern
  • Katharina (1378-1425), getrouwd in 1393 mè Leopold IV van Habsburg.
  • Bonne (1379-1399)
  • Maria (1380-1428), getrouwd in 1401 mè Amadeus VIII van Savoye
  • Antoon (1384-1415)
  • Filips (1385-1415)

Jan zounder Vrees, volgde Margaretha ip in 1405 ols hertog van Bourgondië en groaf van Vloandern, Artesië en Franche-Comté.

Antoon erfde in 1393 Rethel en in 1406 Brabant, Lothier, en Limburg.

Filips krêeg Nevers.

Filips de Stoutn stierf in 1404, en Margaretha van Male ‘t joar d’r ip.

Wikimedia Commons