Mark Cavendish

Van Wikipedia
Ga naar: Begunplekkn, zoeken
Mark Cavendish
Mark Cavendish met 'n groenn boai an.
Persoonlikke informoatie
Noame Mark Cavendish
Bynoame Manx Missile
Manx Express
Cannonball Cavendish
Gebortedoatum 21 meie 1985
Geborteplekke Douglas, Man, Verênigd Keunienkryk
Lengte 175 cm
Gewichte 69 kg
Specialisoatie Sprint
Ploegkoers (vroeger)
Ploegen
Ploeg van nu Team Sky
Ploegen van toun Team Sparkasse
T-Mobile
Portoal Sport

Mark Cavendish (Douglas, eiland Man, 21 meie 1985) is e Britschn coureur die voun 't moment 'n rapsn sprinter is. En is begunn up de piste (woarup dat 'n ol weireldkampioen ewist is, in de de ploegkoers) en is loater mêer en mêer up de boane begunn ryen. En het oundertusschn ol 20 rittn ewonn in 'n Tour en êen klassieker ewonn, Milaan-San Remo in 2009.

Persôonlik[bewerkn | brontekst bewerken]

't Zyn der vele in 't peletong die van Cavendish nie en moetn weetn omda 't e dikkenekke zoudt zyn. E stiksje uut Procycling van oktober 2008 toogt dadde:

The fact is, you look at the replays of my wins at the Tour, and I'm the fastest sprinter. I'm stating a fact. It's not just me saying 'I'm the fastest sprinter' without backing it up - I'm stating a fact, you know? I don't see how that can be seen as arrogance when it's just telling the truth. But people can take me as they want? I don't give a shit really. (vry: Ik zyn nie arrogant, 'k zeggn 't geweune lik of dat 't is, want ik zien up d'herhoaliengn van my sprintn in 'n Tour da ke 'n rapsn zyn. 't Ku myn eigentlik gin zak scheiln wuk dan de menschn zeggn.)

In 'n Tour van 2010 toogdn zyn troann dat 't nem wel ku scheiln wuk dan de menschn peizn van nem. Zyn sportief directeur, Brian Holm, zegt oek: Buutn de koers is 't e goein keirel, e belt nie voun te zoagn, mo voun te vroagn hoe dat goat of me wuk daj bezig zyt.

Up de piste[bewerkn | brontekst bewerken]

Cavendish is begunn ryen met e BMX en loater van tyd, at 'n 13 wos, met 'n montebike. Lik vele Iengelsmans is 'n êest begunn ryen up de piste, in 2005 wont 'n in Los Angeles de ploegkoers me Robert Hayles, vôorn d'Hollanders Stam en Slippens en de Belgn Gilmore en Keisse, olhoewel dan ze vantevôorn nog nôois tope ereen haddn.

E kwam oek nog Europees kampioen puntekoers en in 2006 de Speeln van 't Gemênebest voun 't eiland Man, die doar apart upkomt.

Up de boane[bewerkn | brontekst bewerken]

In 2006 wos 'n êest stagiair byn Sparkasse, 't joungernteam van T-Mobile (egroeid uut Deutsche Telecom, loater van tyd Team Highroad, Team Columbia en HTC-Columbia van noame ewist), in 2007 mucht 'n echt begunn, byn da zeste T-Mobile. En hadde 't moelik in 't begun, want ne kuste bykan gin êen koers uutryen. Zyn êestn koers dat 'n wel kuste uutryen, wos de Scheldeprys, dat 'n van 'n êeste kêe wonne. E muchte oek mei no 'n Tour, mo doa viel 'n in d'êeste twêe rittn ('n êestn wos in Londn en ewonn deur McEwan en 'n twiddn no Gent en ewonn deur Gert Steegmans vôorn Bôone) en ne gaf uuteindelik up in 'n achtstn rit. E won da joar wel 11 koersn, ollêne Petacchi won in zyn êeste joar eevnvele koersn.

Cavendish up 't podium van 'n Giro.

In 2008 kwam de grôte deurbroake. Êest wont 'n tope me Bradley Wiggins 't weireldkampioenschap ploegkoers in Manchester, in oest gienk 'n tope me Wiggins no d'Olympische Speeln, mo doa wos 'n 'n ênigsn Iengelsman die gin medaille kuste winn up de piste, Wiggins won wel nog d'achtervolgienge, individueel en in ploeg. In 'n Giro wont 'n voun 'n êeste kêe e rit in e grôte rounde, e gienk doa nog e twiddn winn en in 'n Tour zest viere, e gaf toune up in 'n vichtiensn rit voun t'enterneern voun d'Olympische Speeln.

In 2009 dei 'n nog beter, e won Milaan-San Remo, doa kus 'n Heinrich Haussler juuste vôorn de mete remonteern. Doavôorn had 'n ol twêe rittn ewonn in de Rounde van Qatar en êen in Tirreno-Adriatico. E trok zyn goeie forme deure en ne wos oek 'n bestn in 3 rittn en 'n ploegtydrit beisn 'n Giro, achter zyn derde winste, het 'n upegeevn voun e bitje te kunn rustn voun 'n Tour. In de vôorbereidienge no dienn Tour wont 'n 2 rittn in de Rounde van Zwitserland en ne beguste me vele vertrouwn in de Grande Boucle. E dei wuk at iederêen verwachtte en da wos winn, zes keirs zest. 'n Groenn boai kust 'n wel nie winn, in êen rit is 'n edeklasseerd, woadeure dat Thor Hushovd nem pakte.

In 2010 wos 't ollemoale e stik miender in zyn vôorbereidienge. Deur zêer an zyn tandn kust 'n mor in februoari begunn ryen, in de Ruta Del Sol. E moeste lossn in Milaan-San Remo, mor e kuste egliek winn in de Rounde van Catalonië en in de Rounde van Romandië, woa dat 'n wel uut koers hoald is deur zyn ploeg, achter dat 'n over de mete kwam me 't V-têekn, die in Iengeland 't zeste wult zeggn lik je middnstn vienger upsteekn. En hadde 't moelik en in 'n êestn sprint van 'n Tour makt 'n verkêerde keuzn, woadeure dat 'n mo 'n twoofsn wos. 'n Dag derup wont 'n wel en ne moeste indeliks bleitn up 't podium en beisn interview, deur ol de zoagienge dat 'n ol ekreegn hadde. 'n Dag derup sprintte 'n were no d'êeste plekke, zyn twoofsn rit in 'n Tour. In de doagn doarup won 'n nog 2 rittn, oek up 'n Champs Elysées won 'n me ze viengers in zyn neuze.

In 2011 dei Cavendish were wuk dat 'n goed kut: rittn winn. E won ter vuve in 'n Tour en oek 'n groenn boai, voun 'n êeste kêe in zyn carrière.

Overwinniengn[bewerkn | brontekst bewerken]

2007
Scheldeprys
3e en 6e etappe Vierdoagsche van Duunkerke
2e en 6e etappe Roende van Catalonië
4e etappe Ster Elektrotoer
6e etappe Roende van Denemarkn
2e etappe ENECO Tour
Proloog en 1e etappe Roende van Groôt-Brittannië
3e etappe Circuit Franco-Belge
2008
Jersey rainbow.svg Weireldkampioen koppelkoers me Bradley Wiggins
2e etappe en etappe 3a Driedoagse van De Panne-Koksyde
Scheldeprys
Proloog Roende van Romandië
4e en 13e etappe Roende van Italië
5e etappe Ster Elektrotoer
5e, 8e, 12e en 13e etappe Tour de France
1e, 2e en 3e etappe Roende van Ierland
1e en 2e etappe Roende van Missouri
2009
4e en 6e etappe Roende van Qatar
4e en 5e etappe Roende van Californië
7e etappe Tirreno-Adriatico
Miloan-San Remo
2e etappe en etappe 3a Driedoagse van De Panne-Koksyde
1e etappe (ploegntydrit), 9e, 11e en 13e etappe Roende van Italië
2e en 5e etappe Roende van Zwitserland
2e, 3e, 10e, 11e, 19e en 21e etappe Tour de France
Roende van Bochum
2e etappe Roende van Ierland
1e en 2e etappe Roende van Missouri
De draai van de kaai in Roosendaal
2010
1e etappe Roende van Catalonië
2e etappe Roende van Romandië
5e, 6e, 11e, 18e en 20e etappe Tour de France
1e (Ploegntydrit), 12e, 13e en 18e etappe Roende van Spanje
Jersey green.svg Puntnklassement Roende van Spanje
2011
6e etappe Roende van Oman
Scheldeprys
1e (Ploegntydrit), 10e en 12e etappe Roende van Italië
5e, 7e, 11e, 15e en 21e etappe Tour de France
Jersey green.svg Puntnklassement Tour de France
London-Surrey Cycle Classic (Olympische Speeln testrit)
1e etappe, etappe 8b Roende van Groôt-Brittannië
Jersey rainbow.svg Weireldkampioen ip de boane, Elite
2012
3e en 5e etappe Roende van Qatar
Kuurne-Brussel-Kuurne
2e etappe Tirreno-Adriatico

Ploegn[bewerkn | brontekst bewerken]

  • Sparkasse: 2005-2006
  • T-mobile: 2006-2007
  • Team Highroad, Team Columbia: 2008
  • Columbia-HTC: 2009
  • Team HTC-Columbia: 2010
  • HTC-High Road: 2011
  • Team Sky: 2012

Externe koppelienge[bewerkn | brontekst bewerken]