Mark Hoppus

Van Wikipedia
Mark Hoppus

Mark Hoppus (Ridgecrest, Californië, 15 moarte 1972) is nen Amerikoanschn basgitarist en êen van de stichters van de pop-punkgroep blink-182.

Ost 'n viftiene werd, kreegt ie em z'n êeste basgitare achter dat 'n g'olpn aad met 't uus te schildern. D'r achter eet Mark in twêe bands gespeeld. Toen dat ie no San Diego veruusde vo z'n studie, kwam tie doar Tom Delonge teegn, da toen 't vrindje wos van z'n zuster Anna Hoppus. Ze leerden mekoar kenn in 't joar 1992.

Den blink tyd[bewerkn | brontekst bewerken]

Omda den drummer Scott Raynor en Mark gin vrouwn kostn krygn, en ze ton mo uut vervelinge beslootn om nen band ip te richtn. Want zeggn ze, vrouwn oudn van muzikantn. Achter e poar demotjes en ze ton beslootn om de band "blink" te doopn. Mark werkte ton nog tout in 1996 in ne muziekwinkle, en d'r achter ist'ie gestopt, en et ie full-time gon tourn mè zyne band. Ton en ze de noame moetn verandern want en Ierse pop/rockgroep noemde al "Blink", en dreigde me ne rechtszoake. Ton en ze de noame veranderd no blink-182. In 1999 gaft'ie den drummer Scott een ultimatum: stoppn mè drummn of stoppn mè zuupn. Uuteindlik en z'em deruut gezwierd en werd Travis Barker full-time drummer.

Achter den blink tyd[bewerkn | brontekst bewerken]

Achter blink is Mark zynn eigen band begonnen genoamd +44. De groep eet to nu toe al en album utgebrocht noamelik "When your heart stops beating".