Mark Macken
Mark (Marcel) Macken (Diest, 19 september 1913 – Antwerpn, 21 oktober 1977) was een Vlamschn beeldouwer.
Leevn[bewerkn | brontekst bewerken]
Mark Macken begost in ‘t stylmeubelbedryf van z’n voader en ie krêeg zyn ipleidienge an den academie van Leuven en Antwerpn. In 1934 ist ’n gesloagd in een toeloatiengsproeve an ‘t Hoger Instituut vo Schône Kunstn van Antwerpn.
In 1937 hoaldeget ie z‘n diplom van têkenlêroare. Je wierd ip 28 meie 1941 deur ‘t schepencollege van Dendermonde benoemd tout lêroare sierkunstn an den Academie. Je was ton ook têkenlêroare an de Ryksmiddelboare Knechteschole in Dendermonde.
Tusschn 1943 en 1945 ist ‘n gedeporteerd noa Duutsland.
Ip 5 december 1946 ist ’n benoemd tout lêroare an den Academie vo Schône Kunstn in Antwerpn, woa dat ’n directeur was vanof 1962 tou an z’n dôod.
Werk[bewerkn | brontekst bewerken]
Van figuratief beeldouwer is Macken noa sterk gestylleerde vormn geëvolueerd.
De grafmonumentn van kunstschilder Isidoor Opsomer, schryver Roger van de Velde en Carlo Buysaert ip ‘t Antwerps kerkhof Schoonselhof zyn deur em gemakt.
Macken makte ook ‘t beeld in metoal De Veerman (1955) dat ip den dyk stoat in Sint-Amands an de Schelde, ‘t monument van paster-dichter Jozef De Voght in Retie en d’r stoan een poar beeldn van em in ‘t Openluchtmuseum Middelheim in Antwerpn.
Pryzn[bewerkn | brontekst bewerken]
- 1933: Grôte Prys van de Keuninklike Academie, Antwerpn
- 1936: Prys Van Lerius
- 1937: Prys De Keyzer
- 1938: Grôte Prys van Rome beeldouwkunste
Grafmonument[bewerkn | brontekst bewerken]
Ip ‘t graf van Mark Macken in Antwerpn stoat er een beeld van em. ‘t Grafmonument is een ountwerp van zyn lêerlink Marcel Mazy.