Maurits Coppieters

Van Wikipedia
Ga naar: Begunplekkn, zoeken
Maurits Coppieters ca. 2000

Maurits Coppieters (Sint-Niklaas, 14 meie 1920 - Deinze, 11 november 2005) was e Vlamsche polletieker vo de Volksunie. Je was vôorzitter van de Vlamsche Road, de vôorloper van 't Vlams parlement en je werkte mee an 't project Het Sienjaal dat de progressieve krachtn in Vloandern wilde bundeln.

Coppieters lêerde vôort vo licencioat geschiedenisse en je doctoreerde in de rechtn. Je was actief by 't Vlaams Verbond der Katholieke Scouts (VVKS) en in de Vlamsche Bewegienge.

Vanof 1945 stound ie in 't ounderwys. Êest wast ie studiemêester en schoolmêester in 't middelboar, loater docent in 't Rykshoger Technisch Ounderwys, 't Hoger Kunst- en Architecteurounderwys en 't Hoger Paramedisch Ounderwys. Zyn polletieke carrière by de Volksunie begost vanof 1963 achter 't akkôord van de toalwetgevienge.

Polletieke carrière[bewerkn | brontekst bewerken]

  • 1964-1982: Gemêenteroadslid
  • 1965-1979: Belgisch parlementslid
  • 1977-1979: Vôorzitter van de Vlamsche Road
  • 1979-1981: Europees parlement

Achter 1981 ha Coppieters gin polletiek mandoat nie mêe. Moa je werkte t'hope me polletiekers uut verschillige partien an en hergroeperienge van de lienksche krachtn in Vloandern. Je richtte in 1996 Het Sienjaal ip tegoare me Norbert De Batselier. Je was ook vôorzitter van NCOS (Nationaal Centrum voor Ontwikkelingssamenwerking).