Melchior Broederlam
Uit Wikipedia
Melchior Broederlam was e Vlamsche kunstschilder uut Yper, die actief was tusschn 1381 en 1409. Sedert 13 februoari 1384 wast ‘n in dienst by Filips den Stoutn, hertog van Bourgondië.
Je wierd êest an ’t werk gezet vo klêne decoroatie-ipdrachtn, surtout in ’t kastêel van Hesdin.
Loater gaf den hertog em ipdracht vo de buutnpanêeln te beschildern van ’t retabel dat 'n in 1392 besteld ad an de beeldhouwer Jacob de Baerze uut Dendermonde vo de kerke van e klôoster by Dijon. ‘t Schilderwerk omvat vier ounderwerpn: Annuncioatie, Maria-Visitoatie (linkervleugel), en Ipdracht in den Tempel, de Vlucht noar Egypte (rechtervleugel).
Z’n werk is typisch Vlams van inspiroatie, met een expressieve kracht en realistische nateurdecors.
Broederlam e me z’n olieverwe e grôotn invloed g’hed ip de schilders van de volgende generoatie lik Robert Campin en Jan van Eyck.
 |
Mêer ofbeeldiengn die ier by passn ku je vien in de categorie Melchior Broederlam van Wikimedia Commons. |
