Michiel Hendryckx

Van Wikipedia

Michiel Hendryckx, zelfportret

Michiel Hendryckx (Adinkerke, 19 november 1951) es ne Belgischen persfotogroaf.

Fotografie[bewerkn | brontekst bewerken]

Ie groeide ip in De Panne woadat de Sahara, e grôot duunncomplex teegn de grenze me Vrankryk, e diepn indruk ip hem gemakt eit. Ie wilde eigentlik kunstschilder wordn, ma dat mocht niet van zyn voader, die in de middnstand zat.

Ip z'n 18 joar ging 't ie goan studeren in Gent: ie volgde fotografie an de Gentse Academie. Achter e reize na Wales, woadat ie de schoonheid van de lichtschakeriengn gewoarig werd, eit ie zyn twêede joar moa eigentlik echt de microbe te pakkn g'ed.

Loater wierd ie freelance-persfotograaf vo de gazette De Gentenaar en in 1978 weird ie vaste angenoomn by de VUM.

In 1991 eit ie zyn werk e joar onderbrookn. Ie makte ton te voete e grôte reize woarover dat ie e joar loater 't boek Twee Ezels schreef. Da joar gienk 't ie weg by de redactie van de Gentenaar en gienk 't ie by De Standaard goan werkn. Tien joar lank wos 't ie fotoredacteur van 't DS-magazyne. Sedert 2001 es 't ie were geweune fotograaf.

Televisie[bewerkn | brontekst bewerken]

In 2003 eit ie vo den televisie tegoare met Wim Opbrouck en Jean Blaute met de moteur nen hêeln tour gedoan in 't zuudn van Europa. 't Reisprogramma noemdige De Bende van Wim en tôogde hoe dat die drie vintn under zoender fietjefatjerie gejeund ein en vele dingn zyn gaan ipzoekn. De reekse werd goed ontvangn en e vervolg werd gemakt.

Ie presenteerde ôok het reisprogramma Het Bourgondisch complot, woavoorn dat ie me ne bôot vanuit Gent ol riviern en kanaaln noa Bourgondië vaardige.

  • De Bende van Wim (10-delig reisprogramma)
  • Het Bourgondisch complot (10-delig reisprogramma)
  • De Bende van Wim: het vervolg (10-delig reisprogramma)

Privé[bewerkn | brontekst bewerken]

Michiel Hendryckx es nôoit getrouwd gewist. Up zyn 55e es 't ie voader gewordn van Louis. De moeder es Geertrui Coppens. Ie weunt an 't Gentse Muinkpark. Ie eit zyn erte verloorn in Vrankryk.

Externe koppelienge[bewerkn | brontekst bewerken]

Wikimedia Commons