Myter

Van Wikipedia
Myteruutvliegopeniengn in een oude bolke
Bounte knoagkever
Geweunn houtwurmkever

Myter is de name van verschillende sôortn houtbôrende keverlarvn die in 't hout leevn. Dat is nie êen specifiek sôorte bêeste, moa de larve van êen van de volgende kevers:

  • Snuutkevers (Platypodidae, Cuculionidae)
  • Schorskevers (Scolytidae)
  • Dôodkloppertjies (Anobiidae)
    • Geweunn houtwurmkever (Anobium punctatum)
    • Bounte knoagkever (Xestobium rufovillosum)
  • Huusboktor (Hylotrupes bajulus, Cerambycidae)
  • Poeierpostkevers (Bostrichidae)

Od een mens in Vloandern over myter klapt bedoeln ze mêestol de bounte knoagkever, Xestobium rufovillosum, of de geweunn houtwurmkever, Anobium punctatum. Een andern kever die ook schoa an 't meubilair kan briengn is den huusboktor, Hylotrupes bajulus, moa die wordt mêestol nie as myter geklassèrd.

De larve van Anobium is gilfwitachtig van kleur en omtrent 7 mm lank. By vôorkeur bôort de larve in de zochte dêeln van 't hout (bvb. de zomerjoarriengn), en gift je de vôorkeure an hout mè minstens 10% vochtigheid en redelik koude plekkn. 't Is doavn da myter praktisch nie vôrenkomt in huuzn mè chauffage. Vo te zien of dan der nog levende larvn in 't hot zittn is 't beste van zwart papier ounder de gatjes te leggn en te kykn of dat er bôormeel uutkomt.

De kever vliegt noa buutn tusschn meie en ogustus en legt 20-60 eitjies in houtspleetn en oude gangn. D' eiers wordn dikwils up 't zelste hout geleid woardan ze uutgekroopn hèn. D' ountwikkelienge van larve toet kever deurt tusschn 1 en 8 joar (gemiddeld drie joar).

De beste maniere vô ze te bestryn is van 't hout mè petroleum of reukvrye lampolie in te smeirn. Ge moet da wel bluuvn doen toe da je zeker zyt dat de mietter echt weg is.