Mythe

Van Wikipedia
Ga naar: Begunplekkn, zoeken

De mythe (van 't Grieks: mythos; μυθος: gesprook'n woord, verhoal) is e verhoaltje da mêestol wel wysheid bevat woar da j' een twuk uut kunt leern.

De mythe het e poar belangryke eignschapp'n:

  • 't Goat mêestol over good'n en halfgood'n
  • De mythe is platsgeboend'n, wa wilt zegg'n da z' heur ofspeelt up de plekke woar da z' is oentstoan
  • Ze gift mêestol e verkloarienge, voer een twuk dat de mens nie goe verstoat (bv. eirdbeviengn, den bliksem, 't wisseln van de seizoen'n...)
  • De mythe wordt moendelieng overgeleverd

Mêestol komt et geweune nere up et principe van de deus ex machina. Ot de mensn 't nie mi kunn'n uploss'n, komt d'r ne god of nen held, en 't goat ollemolle were goed.

Wyder kenn'n vôorol de myth'n uut de klassieke oudheid, lik van by d' Oude Griek'n of de Germoan'n.

Wat da veel mensn nie weet'n, is dat der ôok veel uutdrukkiengn ofgeleid zyn van die myth'n. Hier zyn der e poar:

  • 't Zweird van Damocles biengelt boovn joen kop
  • Etwien met Argusoogn bekyk'n
  • Sisyfusarbeid verricht'n
  • Zwoanegezang
  • 't Trojoans peird binnenhoaln; nen trojoansn virus zie Trojoansen orloge
  • Een tantaluskwellienge