NGA
Uit Wikipedia
De NGA of Nieuw-Gentse Alliantie is e ludiekn actiegroup en politieke bewegienge die Gent ounofankelik wult. Êentige van nunder actiepuntn en betrekkienge up West-Vloamiengn, woavan dan ze viendn dan der veel te vele zyn in Gent.
Inoud |
[bewerkn] Initiatiefnemers
't Zyn mêerdere initiatiefnemers, oundermêer Jan Beke, de zeune va 'n vroegern burgemêester Frank, Mong Cocquyt, Filip van Cleven, Nathan Hertogen, David De Beukelaer, Carlo Cangelli, Arne Descamps en Nicolaas Van Renne. Zelve beweirn ze da 't in 't hêle nie ludiek is, mo dôoserieus.
[bewerkn] Inspiroatie
Verre olles van de NGA is achteredoan van de N-VA (noame en indêlienge van de site) en 't Vlams Belang (70-puntnplan van Filip Dewinter, oofddoekn, GMO) of van olletwêe (ounofankelikeid).
[bewerkn] Ounofankelikeid
Up 30 moarte van 2008 ein ze Gent ounofankelik verkloard en de stadstoat uutgeroepn. Olle fêestelikeedn gingn deuregoan byn Sint-Joacobs. 't Stoatsoofd van de Gentsche Vrystoat got de tsoar of keizer zyn en 'n dien ze paleis got in Moscou (e wyk in Ledeberg) stoan. Jan Hoet es verkoozen gewist tot keizer.
[bewerkn] 70-puntnplan
Nog nie olle puntn zyn ingevuld, mo sommigte puntn goan specifiek over West-Vloamiengn:
- 3. At 'n toevloed van West-Vloamiengn nie uutschydt, gon der radicoale acties kommn van de NGA-milities, de GMO (Turbojugend Gent).
- 4. Vervolgienge van de Gentsche supporters van Club Brugge.
- 7. Verplichte inburgeriengscursus voun olle Gentsche West-Vloamiengn (nie missn me West-Vlamsche Gentenoars). An ze nie wulln of verwyzn no de Verkloarienge van de Rechtn van de Mens, gon ze uuteweezn zyn no de goelags van Gentbrugge.
- 21. West-Vloamiengn kunn in e beperkte moate e verbluufsvergunnienge krygn, ze krygn toune e zworte koarte. Voun dedie met een abonnement van Club Brugge, en telt dadde nie.
- 26. Olle West-Vloamiengn moetn en oofddoek droagn.
- 29. Yves Leterme meugt Gent ollêne nog binn me ze broek up ze knoezels en liefst me roaze pluumn in ze gat.
[bewerkn] Reactie
't Is ol vele commentoar up ekommn, oundermêer up forums. 't Volt doar up oe serieus dan sommigte menschn 't ollemoale neemn. Oundertusschn zyn der ouk ol êentige interviews round ewist up de TV (Phara, één), radio (Radio 2) en in de mêeste gazettn.
[bewerkn] 't Ende
Ip 20 moarte komt er in 't Nieuwsblad en ip de NGA site (kykt noa Externe koppeliengn) en verdudelykienge met de echte motivoatie van de persifloage en nen iproep voe de fêeste van 30 moarte ip Sint-Jacobs met onder andre West-Vlamsche groepn.
[bewerkn] Teegnbewegiengn
- WDF (West-Vlaams Democratisch Front)
- NGA Busters (voun bedreigde West-Vloamiengn)
- WVB (West-Vloams Belang)
- G Plus
