Nero (software)

Van Wikipedia

Nero Burning ROM is een populêr computerprogram vô 't bewerkn en schryvn van CDs en DVDs. 't Programma werkt up Windows- en Linux-platforms en wordt uutgegeevn deur de Duutse firma Nero AG (vroeger Ahead Software). Nero wordt dikwils t' hope verkocht mè CD-ROM- en DVD-branders, moar is ook apart verkocht.

De name van 't program is een wôordspelienge. 't Schryvn van CDs en DVDs wordt ook wel "brandn" genoemd, of in 't Iengels "burning". De beruchte Romeinse keizer Nero zoud ôois Rome (in 't Duuts "Rom") in brande gezet hèn, vandoar de wôordspelienge tusschn 't brandn van CD-ROMs en 't brandn van Rome.

Sedert versie 6 wordn by Nero veel extra programs geleverd, gelik Nero Wave Editor vô 't bewerkn van geluudsbestandn, Nero ImageDrive vô 't mounten van virtuêle CDs, Nero BackItUp vô reservekopieën van bestandssystêmn of volledige schyvn en Nero Recode vô back-up van nie-geëncrypteerde DVDs en MPEG-4-conversies. Nero hèt een antal CD-image-formoatn, gelik de ISO 9660-standoard en under eigen NRG-bestandsformoat.

Een Linuxversie van 't program (NeroLINUX) kwaamt in moarte 2005 uut as een gratis upgraderienge van de Windowsversie.

Externe links[bewerkn | brontekst bewerken]