Nieuwndyk (Frans-Vloandern)
Den Nieuwndyk (Frans: Canal de Neuffossé, Nederlands: Nieuwegracht ofte Nieuwedijk) es e kanal in Vrankryk van 18 kilomèiters lank die de verbindienge makt tusschn twêe riviern: de Leie by Ariën en den Aa by Sint-Omoars. 't Lôopt apeupri ip de schreeve tusschn 't Noorderdepartement en 't Nauw van Kales en vormde vroeger ezo 't schee'n tusschn 't Frans-Vloandern en Artesië.
By Ariën lôopt den Nieuwndyk ôok dêels oover in't Kanoal Ariën-La Bassée en ezo kun je vodder noa't zuudôostn voarn richtienge de Deule en de reste van't Schelde-bekk'n. Ezo es de Nieuwndyk ôok en ounderdêel van de grôotere verbindienge tusschn Duunkerke en de Schelde.
Geschiedenisse
[bewerkn | brontekst bewerken]'t Kanoal wierd me d'oursprounkelyke noame fossa nova (nieuwn gracht) in d'elfde êeuwe angeleyd in ipdracht van Groaf van Vloandern Boudewyn V, nie lyk e woaterverbiendienge vo scheepn, mo lyk e militaire verdeedigiengslinië teegn e verwachte attakeerienge van keyzer Hendrik III van't Illig Rôomse Ryk. Derachter, in de twoalfde êeuwe wierd de lynne versterkt. In 1688 beslôot Vauban da den Nieuwndyk moeste verbrêed wordn en dat derlangsn joagpoadn moestn angeleyd wordn, zoda't e deftige verbiendienge vo de scheepvoart zo kommn, mo ôok e betere verdeedigiengslinië. Die werkn woarn mo round 1780 ofgewerkt.
|
Ofbeeldiengn die ier by passn ku je vien in de categorie Nieuwndyk van Wikimedia Commons. |