Noël Demeulenaere

Van Wikipedia

Noël Demeulenaere is e Belgische politieker, zoakeman en koersmanager.

Polletiek[bewerkn | brontekst bewerken]

Noël Demeulenaere es e vroegern burgemêester en OCMW-vôorzitter (olletwêe 12 joar lank) en scheepn (6 joar) van Wielsbeke. In juni 2007 pakt ie ountslag uut ol zyn politieke funkties. Demeulenaere oalde by de gemêenteroadsverkieziengn van oktober 2006 nog de mêeste voorkeurstemmen van zyn party.

Noel Demeulenaere wos ôok e spilfigure in de beslissienge of da't Vlaams Belang voo het êest zou keun meeregeern (ip gemêenteniveau) deur de unieke situoatie achter de gemêenteroadsverkiezingn 2006 in Wielsbeke. Moa deur een overloper na de CD&V is die situoasje opgelost gerakt (19 december 2006).

En spreuke dat ie vele gebrukt es: De beste vette es de kloefn van den boer.

Zoakn[bewerkn | brontekst bewerken]

  • Demeulenaere is de vroegern olgemêen directeur va textielgroep Beaulieu. Demeulenoare wos joarn lank de rechternand va Roger "Boer" De Clerck.
  • Voe 't moment is Noël Demeulenaere verdacht van corrupsje. E zou van menschen die aanvroagen deejn by AROHM ("Administratie Ruimtelijke Ordening", een overidsbedryf) geld gekreegn en. Mi da geld zoe Demeulenaere ambtenoarn omgekocht ein. Op 7 april 2006 wos Demeulenoare anoen deur ne juge van Brugge.

Koerse[bewerkn | brontekst bewerken]

  • Demeulenaere e vele geld en tyd gestookn in de koers en vôorol jounge koereurs. 't Begoste in 1973 mi de ploeg Beaulieu-Flandria mi Freddy Maertens. Loater van tyd wostn ôok nog betrokkn by ploegen lik Collstrop, Palmans, Domo, ABX e Chocolade Jacques.
  • Ôok op da gebied is Demeulenaere omstreedn. D'êne noemn nem e mecenas, d'ander zeggn datn de OCMW is van 't peletong en datn zyn jounge coureurkes utzuugt.