Oarmpôtign

Van Wikipedia

Oarmpôtign (Brachiopoda) zyn e stamme van zêebêestn. Ze wordn beschermd deur twei harte verkalkte schelpkleppn, vanboovn en vanounder. De kleppe an de buukkant is mêestal de grotstn. Ze filtern under eetn (plankton) met e speciaal orgoan, e tentoakelkranse (lofofoor). Ze zittn mêestal vaste an den ounderground. De noame Brachiopoda komt van 't Oudgrieks βραχίων brakhíōn, "oarm", en πούς pous (gen. podos), "voet" of "pôot". Ze moakn dêel uut van de oermoundign of Protostomia.

Der zyn oungeveer 30.000 fossiele sôortn bekend. Nu leevn der nog e stik of 200 sôortn.

Indêlienge[bewerkn | brontekst bewerken]

Oarmpôtign wordn in drie ounderstammn ingedêeld:

  • Linguliformea: (Inarticulata), primitieve groep. De schelpn kunn moar oopn en toe gedoan wordn deur spiern. 't Is d' oudste groep en der zyn fossieln van gevoundn uut 't geologisch tydvak Cambrium van mêer of 400 miljoen joar geleen.
  • Craniformea: (Inarticulata), ountstoan in 't Cambrium me nog e stik of 20 bestoande sôortn.
  • Rhychonelliformea: (Articulata), verkalkte schelpn met e scharniere tusschn de kleppn en e simpel spierstelsel.
Wikimedia Commons