Oazelworme
Uit Wikipedia
| Oazelworme | |||||||||||||||
|---|---|---|---|---|---|---|---|---|---|---|---|---|---|---|---|
 |
|||||||||||||||
| Taxonomische indêlienge | |||||||||||||||
|
|||||||||||||||
| Sorte | |||||||||||||||
| Anguis fragilis Linnaeus, 1758 |
Oazelwormes zyn êen van de weinige sôortn oagedissn zounder pôotn. Ze kommn ouk in West-Vloandern vôorn, mo zeker nie overol.
Inoud |
[bewerkn] Uutzicht
Oazelwormes kommn toet 50 cm lank, zyn mêestol bruunachtig toet grysde en zien der uut lik slangn, mo 't zyn dus oagedissn. Egliek kuj 't verschil gemakkelik zien:
- Z'en gin nekke lik dan slangn wel en, nundern kop is oek nie drieoekig.
- Z'en oogleedn, etwot dan slangn nie en en.
- Nunder oogn zyn over 't algemêen klinder dan van slangn.
- In West-Vloandern zittn der gin slangn in 't wilde, in d'Ardenn bevôorbeeld wel.
- Slangn zyn vele klibberder of oazelwormes en kruupn oek zidder deur specioale schubbn up nundern buuk.
[bewerkn] Vôortplantienge
De wuvetjes zyn leevndboarnd (d'eiers kommn uut juuste vôorn an de joungn ebôorn zyn). Êentige doagn vôorn de geborte, zoekn ze de warmte van de zunne up voun d'eiers zidder te loatn uutkommn.
[bewerkn] Verspreidienge en leefgebied
Oazelwormes leevn ossan up de ground, surtout woa dan der vele bloars en dôod out liggn. Ezô kunn ze nunder gemakkelik verduukn en vienn ze oek gemakkelik teetn (fernient die doar oek roundkruupt).
In West-Vloandern vien je ze oek, mo vele en zie je ze nie. Da komt omdan ze nie overol vôornkommn en dan ze surtout me de schemer actief kommn.
[bewerkn] Bedreigiengn
Surtout fazantn zyn indeliks slicht voun de populoasche oazelwormes. Buutn fazantn, zyn der oek nog aar bêestn (lik vossn en kattn) die oazelwormes eetn.
Menschn zyn oek verantwôordelik voun 't feit dan oazelwormes 't nie gemakkelik enn. Deur 't wegblenn van outstoapels, en ze ossan mo miender plekkn voun nunder wientersloape t'oun en voun goed te leevn tout court.
Ze zyn oundertusschn (lik olle ineemsche amfibieën en reptieln) beschermd.
