Pepeyn I van Aquitanië

Van Wikipedia
Ga naar: Begunplekkn, zoeken
Pepeyn I van Aquitanië
797- 838
Denier van Pepeyn I (817-838)
Blason de l'Aquitaine et de la Guyenne.svg
Keunienk van Aquitanië
Periode 814- 838
Vôorganger Lodewyk de Vroomn
Ipvolger Pepeyn II van Aquitanië
Voader Lodewyk de Vroomn
Moeder Irmingard van Haspengouw


Pepeyn I (797- Poitiers, 13 december 838) was keunienk van Aquitanië. Je was de twidde zeune van Lodewyk de Vroomn en zyn êeste vrouwe Irmingard van Haspengouw.

In 814 krêeg Pepeyn 't keunienkryk Aquitanië, dat ook ’t ounderkeunienkryk van zyn voader gewist was ounder de regerienge van Karel de Grôotn.

In 817 wierd de Ordinatio Imperii (Ordenienge van ‘t Ryk) ipgesteld, vo d’ipvolgienge van zyn voader te reegeln. Den oudstn, Lotharius I, krêegt de keizerstitel met Italië en ’t ippergezag, Lodewyk den Duuts Beiern en Pepeyn hield Aquitanië.

In 822 is Pepeyn getrouwd met Ingeltrude (ook Engelberga, Rigarde, Hringard, of Ringart genoemd), dochter van Theodobert, groaf van Madrie. Z’haan twi zeuns, die stiervn zounder jounges:

  • Pepeyn, zyn ipvolger in Aquitanië
  • Karel, aartsbisschop van Mainz

De probleemn begostn achter da Lodewyk de Vroomn in 823 nog ’n achterkommertje, Karel (den Kletsn) krêeg me zyn twidde vrouwe Judith van Beiern. Ounder heur druk krêeg Karel in 829, ip de ryksdag van Worms, an zyn zes joar ook zyn keunienkryk: Alemannië (Elzas, Zwaabn en Bourgondië). De zeuns kwoamn in ipstand en van 830 wast er constant boel tusschn de broers en under voader en ook tusschn de broers ounder makoar. Ze voerdn den êenn oorloge achter den andern.

In 838 is Pepeyn gestorvn. J’is begroavn in de Sainte-Croix in Poitiers.

D’r kwam e nieuwe erfregelienge en Lodewyk de Vroomn benoemde Karel de Kletsn tout nieuwe keunienk van Aquitanië. Mo den oadel van Aquitanië was nie akkôord en ze verkoozn Pepeyn II van Aquitanië, Pepeyn zyn zeune.

't Frankisch Ryk in 814