Peter Puype
Peter Puype (Toeroet, Belgie, 1974) is e Belgschen kunstenoare die wunt en werkt in Gent.
Zyn styl[bewerkn | brontekst bewerken]
Puype komt Mêester in de beeldende kunstn an d'Hogeschole in Gent in 1997. Je kut ol zêre zien wuk dat 'n wilt zeggn me zyn werk. Puype guft kretiek op de weireld woarin da me leevn. E gift of op de Kerke en nuze kapitalistiese maniere van peizen en doen: we verteirn te vele, we moakn vor olles reclame, en we verlêern de goe maniern van overtyd. Vaneigens goa ni olleman doamei t'akkôord, en da gift ol dikkers e keir ambras.
Zyn werk (e dêel)[bewerkn | brontekst bewerken]
- 2009 - Op 'That's All Folks' (CC Brugge) exposeert Puype me Iconoclasm. De bezoekers krygn, lik by e bollo-smitto, stêenn om Mariabeeldetjes kapot te smytn. Nogol wot menschen en d'r teegn eprotesteerd, en z'hen bykan d'exposiesje moetn stoppn.[1]
- 2010 - L'histoire occulte des Belges. Op d'exposisje BAT10 placeert Puype plakkoatn lasen de route. Op de geilve affichen stoan d'r, in 't zwort, zinn uut de tekste van e liedje van Sandra Kim (J’aime la vie). E dêel van de plakkoatn wos kapot emakt.[2]
- 2011 - Idol Icon Idiot. Een exposisje over Puype ollêne in CC Brugge. De kunstenoare wilt toogn dat de kerke en 't grôot kapitoal twei andn op e buuk zyn.
Muzik[bewerkn | brontekst bewerken]
Peter Puype et ouk in e grouptje mei-edoan (Factory Pilot) da punkmezik speelde. Loater van tyd et 'n nog jazz (contrabas) estudeerd.
Externe koppelienge[bewerkn | brontekst bewerken]
Bronn[bewerkn | brontekst bewerken]
- ↑ Gij zult geen stenen meer gooien, De Standaard, 8 januoari 2010
- ↑ Moderne kunst mikpunt van vandalen en dieven, 't Nieuwsblad, 11 meie 2010