Philippe Despriet

Dit artikel es geschreevn in 't Kortryks, en da zou best ozô bluuvn.

---

Philippe Despriet (°14 september 1949, Kortryk) es nen istoricus, nen archeoloog en ne skryver. Ie specialiseert em in de geskiedenisse van Frans-Vloandern: "Deur ne gril uut 't verleedn ligt 't zwoartepunt van 't ôoit zô machtige vorstendom Vloandern nu up Noord-Franske grond". De toon es direct gezet.

Leevn

Philippe Despriet studeerde architectuur en oudeidkunde. In 1973 stichtte ie tope met Dr. R. Ooghe de Archeologische Stichting voor Zuid-West-Vlaanderen woavan dat ie werkleider es. Diene vzw verricht ip vrywillige boasis archeologisch onderzoek in de regio van Kortryk. Ze zyn deur 't West-Vlams provinciebestuur en et stadsbestuur van Kortryk belast met 't oudeidkundig bodemonderzoek vo heel 't arroundissement Kortryk. Ze publiceern nu en ton ne ki under resultoatn van de verskillige ipgroaviengn.

Despriet eit ol vele ipgroaviengn georganiseerd, soms ip grôte skoale. Lik d'ipgroavienge van 't castrum van Elkyng in 1988-1992, of 't onderzoek van de dwangburcht van Kortryk in 1990.

Philippe Despriet eit een boeiende maniere van skryvn. Zyn styf geïllustreerde boekn over Frans-Vloandern zyn ondertusschn standoardwerkn gekommn woavan der ol verskillige zyn uutverkocht.

J'oudt ook leziengn en j'organiseert reizn na Frans-Vloandern (vo verenigiengn).

Publicoaties

• De Westhoek in Frans-Vlaanderen (1979, uutverkocht)
• Vlaams erfgoed in de Franse Westhoek (1981, uutverkocht)
• De V1 en V2 in Frans-Vlaanderen (1983)
• Historische Steden in Frans-Vlaanderen (1985, uutverkocht)
• Geschiedenis van Frans-Vlaanderen (uutverkocht)
• Frans-Vlaanderen, onbekende schat (1987, 8 drukkn, uutverkocht)
• Frans-Vlaanderen, front '14-'18; De Slagvelden van Artesië en de Somme (1989, 4 erdrukkn)
• 2000 Jaar Kortrijk. Topografische atlas van ambachtelijke Romeinse nederzetting tot moderne stad (1990)
• Kassel (1991, uutverkocht)
• Frans-Vlaanderen tijdens de Tweede Wereldoorlog (1992, 4 drukkn)
• De V1 in Frans-Vlaanderen. Gids voor de V 1-installaties in Nord, Pas-de-Calais en Somme (1994, 3 erdrukkn)
• Veelzijdig Frans-Vlaanderen (1997)
• Historische atlas van Frans-Vlaanderen (1998)
• Kortrijk-Vlaanderen 1302. Synthese van de Frans-Vlaamse oorlog 1297-1305 (2002)
• Kortrijk en Vauban (1633-1707. Het ontstaan en de topografie van een vesting 4e tot 19e eeuw (2008)
• De Kortrijkse Broeltorens (2010) Alles over de Broeltorens

Informoatie

Wien da mêer wilt weetn over Philippe Despriet, zyn werkn en zyn activiteitn kan by em zelve terecht:

Philippe Despriet
Filips van de Elzaslaan, 4
8500 Kortrijk
Tel/Fax 056 22 21 99