Piekezottn

Van Wikipedia

Piekezottn of pykezottn is e koartspel die surtout deur jounges espeeld is. ’t Is de bedoelienge voun nie met ’n piekezot over te bluuvn.

Verloop van ’t spel[bewerkn | brontekst bewerken]

  • Gelyk oevele spelers
  • 51 koartn (’n kloaverzot is ’t eruut oald)

’n Dêler dêelt de koartn round en iederêen krygt eevnvele koartn (no volgns dat dadde lukt). De spelers meugn nunder koartn bekykn en olle koppels (met e gelykig kleur en e gelykign numerô) wegleggn. At dadde gebeurd is, begun et spel.

’t Spel goa mei met de wyzers van de klokke en zodus begunt ’n dienn die lienks van ’n dêler zit. Ne trekt e koarte van ’n dêler en ne kykt of dat ’n gin koppeltje emakt et. At dadde ’t geval is, meugt ’n dadde wegleggn. Ezô go ’t spel vors.

Met ’n piekezot kuj gin koppeltje moakn en ’t is dus de bedoelienge van die koarte nie te trekkn. ’n Dienn die up ’t latste ’n piekezot over et, verlies et spel. Up 't latste zyn der ossan 2 spelers over (1 met êen koarte en 1 me twêe). 'n Dienn met 1 koarte meugt êen van 'n aarn ze koartn trekkn en at dadde 'n piekezot nie is, kut 'n e koppeltje moakn en verliest 'n aarn.