Pieter Appelmans
Pieter Appelmans (1373 – 16 meie 1434) was één van d' architectn van d' Onze-Lieve-Vrouwekathedroale van Antwerpn.
Je was de zeune van architect Jan Appelmans.
Onze-Lieve-Vrouwekathedroale[bewerkn | brontekst bewerken]
De bouw van d' Onze-Lieve-Vrouwekathedroale van Antwerpn in Brabantse gotiek begost in 1352 ounder de leidienge van Jan Appelmans. Zyn zeune en ipvolger Pieter bouwde 't koorgedêelte en de kapelln in den absis.
An de rechterkant van d' Onze-Lieve-Vrouwekathedroale stoat er e beeldngroep die e bouwloge vôornstelt. Bouwmêester Appelmans, mè 't plan van de torre ip zyn knie, gift instructies an de stêenkappers.
Voader en zeune Appelmans woarn nie d' ênigste bouwmêesters van de kerke. In de loop van de 15e êeuwe volgdn verschillige bouwmêesters mekoar ip, lik Domien en Herman de Waghemakere en Rombout Keldermans.
Sint-Nicolaaskapelle[bewerkn | brontekst bewerken]
De Sint-Nicolaaskapelle an de Lange Nieuwstroate in Antwerpn is in 1419 gedêeltelik herbouwd gewist deur 't ambacht van de meerseniers. Pieter Appelmans was verzekers den architect moa doavôren zyn der gin echte bewyzn.