Rôonberg

Van Wikipedia
Rôonberg (West / Ôost)
Top 129 m
Locoatie Euvelland
Startplekke Westouter / Loker
Ôogteverschil 88 / 81 m
Lengte 2.000 / 1.700 m
Stygiengs-% (gem) 4,4 / 4,8 %
Steilste stik 16 / 13 %
Rôonberg

De Rôonberg, (Nederlands: Rodeberg) is e getuugneuvel in Westouter, in 't Euvelland. En is 129 meter oge, en e besloat om en by de 25 ectoarn. Lasen de Rôonberg legt 'n Zwortnberg.

Attraksjes[bewerkn | brontekst bewerken]

  • De Rôonberg is een ideaal pleksje voe mountainbikers e wandeloars. Op de nôordkant e je 't Ellegat, e sôorte va bebuschte ravyne. Doa ountspringt d'Ellegatbeke. 't is godgeklacht da ze de magnifieke bom'n van bov'n op de berg gekapt ein. Wâ moet'n de eekhoorns nu na toe?
  • Wulfhille, een eemkundig museum da werktuug verzoamelt van oude ambachtn.
  • Vroeger wos 't er op 'n Rôonberg e zwembad: de Kosmos. Da wos bekend in hêel 't streke, moa de Kosmos is nu ol e poar joar toe en an 't verloedern. Ze klappn ol e poar joar van e restauroasje van 't complex, moa 't komt er ni van. Nu ligt er een skôon speelplin vo de jonges.

Koers[bewerkn | brontekst bewerken]

De koers passirt dikkers over 'n Rôonberg: de Vierdoagsche van Duunkerke, Driedoagsche van De Panne, de Driedoagsche van West-Vloandern, Gent-Wevelgem,... Nu e ki pakkn ze 'n berg van ol 'n ôostkant, ton were van de westkant. De latste joarn is 't e stik van Roônberg-West, achter 'n klem van 'n Vidaigneberg, en doarachter is 't bergof ol 'n ôostkant van 'n Rôonberg. 'n Rôonberg lag ouk op 't parcourn van 't Weireldkampioenschap van 1950 in Môorslee.