Robert I van Normandië

Van Wikipedia
Ga naar: Begunplekkn, zoeken
Robert I van Normandië
1000-1035
Robert I van Normandië
Blason duche fr Normandie.svg
Hertog van Normandië
Periode 1027-1035
Vôorganger Richard III
Ipvolger Willem de Veroveroare
Voader Richard II van Normandië
Moeder Judith van Bretgane

Robert I van Normandië, ook Robert de Magnifiekn of Robert den Duvel genoemd (22 juni 1000 - Nicaea (Turkeye) 2 juli 1035), was hertog van Normandië van 1027 tout 1035. Je was de twidde zeune van Richard II van Normandië en Judith van Bretagne en de voader van Willem de Veroveroare.

Zyn voader Richard II wierd achter zyn dôod ipgevolgd deur zyn oudste zeune Richard III, die nie vele loater stierf.

’t Feit da zyn broere ip e mysterieuze maniere gestorvn was en da Robert as zyn ipvolger belang haad by zyn dôod, miek hem verdacht. Vandoar zyn bynoame den Duvel.

Robert I ha minstns twê frillas, more danico concubines (de Deensche maniere), woamee dat ’n jounges had:

Met Herleva van Falaise:

Verzekers met ’n andere concubine:

  • Adelaide van Normandië. Ze trouwde achterêenvolgns met Enguerrand II, groaf van Ponthieu, Lambert II, groaf van Lens, en met Odo II van Champagne.

Herleva van Falaise, die nie getrouwd was mè Robert, trouwde mè Herluin de Conteville, die Willem de Veroveroare twê halfbroers gaf:

  • Odo van Bayeux. Willem de Veroveroare miek hem bisschop van Bayeux.
  • Robert, groaf van Mortain

Achter dat ’n zyn ounwettige zeune Willem angesteld had as zyn ipvolger giengt ie ip bedevoart noa Jeruzalem, moa je stierf in ‘t werekêern in Nicaea, verzekers deur vergiftigienge. Round 1086 zou Willem e missie gezoundn hèn noa Constantinopel en Nicaea met den ipdracht van zyn voaders lyk over te briengn, vo te loatn begroavn in Normandië. Moa binst dan ze were kêerdn, hôordn ze in Apulia (Italië) da Willem zelve zou gestorvn zyn. Z’hen Robert ton doar in Italië begroavn.

Zyn zeune Willem was acht joar oud os t ie zyn voader ipvolgde.