Robert van Artois

Van Wikipedia
Ga naar: Begunplekkn, zoeken

Robert II van Artois of "van Artesië" (17 september 1250Kortryk 11 juli 1302) was een postume zeune van graaf Robert I van Artesië en Mathildis van Brabant (en dus een klêenzeune van de Fransche keunink Lodewyk VIII), en was graaf van Artesië van by z'n geboorte.

In 1270 deed y mee an de achtste kruustocht no Tunis. In 1296 versloegt y de Iengelse in Aquitanië. Ip 20 ogustus 1297 versloegt y in Bulskamp by Veurne de Vlamingn woadeure dan de Fransche 't graafschap kunn bezettn. In die slag sneuveldige z'n zeune.

Je was een nounkel van de Fransche keuniginne en wierd beschouwd ols de beste bevelebber van Frankryk. 't Was ton oak logisch dat de Fransche keunink Filips den Schoonn em an 't oofd stelde van 't ridderleger da de Vlamingn in 1302 een lestje moest lêern. Moa de slag ip den 11ste juli, die loater de Guldnspoornslag genoemd wierd, is den oundergank gewordn van 't Fransche leger en van Robert van Artois zelve. Ip 't moment dat y kost in de Vlamsche rangn deurebreekn wierd y deur Willem van Saeftinghe van z'n peird gesleegn. Volgenst sommigste kroniekschryvers wildet y em overgeevn, mo kendn de Vlamingn gin genade.