Robrecht III van Vloandern

Van Wikipedia
Ga naar: Begunplekkn, zoeken
Robrecht III van Vloandern
1249-1322
't Graf van Robrecht III
Blason comte fr Nevers.svg
Groaf van Nevers
Periode 1272-1280
+ Yolande van Bourgondië
Vôorganger Jan Tristan van Frankryk
Ipvolger Lodewyk I van Nevers
Blason Comte-de-Flandre.svg
Groaf van Vloandern
Periode 1305-1322
Vôorganger Gwyde van Dampierre
Ipvolger Lodewyk I van Vloandern
Voader Gwyde van Dampierre
Moeder Mathilde van Béthune
Schilderyen van de groavn van Vloandern in de Groavnkapelle van Kortryk. Van lienks: Robrecht III - Lodewyk I - Lodewyk van Male - Margaretha van MaleFilips de Stoutn

Robrecht III van Vloandern of Robrecht van Béthune, bynoame De Lêeuw van Vloandern (1249Yper, 17 september 1322), was groaf van Nevers van 1272 toet 1322 en groaf van Vloandern van 1305 toet 1322.

Robrecht was den oudste zeune van Gwyde van Dampierre en zyn êeste vrouwe Mathilde van Béthune. Je speeldeg e belangryke rolle in ’t conflict tusschn Vloandern en Frankryk, en ’t was surtout deur hem da zyn voader zyn lêenhêre Filips IV nie mèr anveirdeg ols suzerein.

In 1299 was zyn voader zodoanig verzwakt deur ol de miserie en den ouderdom, dat ’n in november de regerienge van ’t groafschap Vloandern overdroeg an Robrecht. In meie 1300 wierdn ze gevangn gezet: zyn voader in ’t kastêel van Compiègne, Robrecht in Chinon en zyn broere Willem van Crèvecoeur in Issoudun.

Robrecht kwam mo vry in 1305 en je kost dus nie meegedoan hèn an de Guldnspoornslag, in teegnstellienge mè wa dat Hendrik Conscience schrêef in zyn boek De Leeuw van Vlaanderen.

Vrouwn en joenges[bewerkn | brontekst bewerken]

Je trouwde in 1265 mè Blanche van Anjou (1250 † 1269) , dochter van Karel van Anjou (loater keunienk van Sicilië). Z’haan êen zeune:

  • Karel, die stierf an zyn elf joar

J’hertrouwde in 1272 mè Yolande van Bourgondië († 1280), gravinne van Nevers en weeuwe van Jan Tristan van Frankryk.

Under joenges:

  • Lodewyk I van Nevers (1272-1322), groaf van Nevers et de Rethel, voader van Lodewyk I van Vloandern
  • Robert van Cassel († 1331), hêre van Marle en Cassel, getrouwd mè Johanna van Bretagne
  • Johanna (Jeanne) († 1333), getrouwd mè Enguerrand IV van Guînes, sire de Coucy
  • Yolande († 1313), getrouwd mè Gauthier III van Enghien
  • Mathilde, getrouwd mè Matthias van Lotharingen

Robrecht van Bethune liet hem in Italië ipmerkn ip militair gebied, ost ’n vocht an de kant van zyn schonvoader Karel van Anjou (1265–1268) teegn de latste Hohenstaufens, Manfred en Conradin. In 1270 giengt ie mee mè zyn voader in den achtstn kruustocht no Tunis, oender leidienge van de Fransche keunienk Lodewyk IX.

Weregekêerd in Vloandern blêeft ie zyn voader steunn in zyn stryd teegn de Fransche keunienk Filips IV de Schôonn, die Vloandern were by ’t krôondomein wilde briengn.

Zyn regerienge[bewerkn | brontekst bewerken]

Zyn voader, Gwyde van Dampierre, stierf in e kerker in Compiègne en Filips de Schôonn hoalde doa zyn profyt uut. In juli 1305 mocht Robrecht en zyn broere Willem mè ’t lyk van under voader were kêern no Vloandern, mo je most ’t Verdrag van Athis-sur-Orge têekenn.

Hêel Robrecht III zyn bewiend stoend in têekn van d’uutvoerienge van da verdrag. Je wierd ols groaf van Vloandern erkend, mo je most wel lêenhulde briengn an de keunienk en olles droaideg uut in ’t vôordêel van Frankryk.

’t Verdrag was e rampe voe de Vlamsche economie. De Vloamiengn mostn e joarlikse rente van 20 000 poend betoaln an de Fransche keunienk, en ook nog vier ipêenvolgnde joarn e somme van 100 000 poend. De stadsversterkiengn roend de grôte steedn Brugge, Gent, Ieper en Dowoai mostn ofgebrookn wordn, en de kasselryen Rysel, Doornik, Orchies en Dowoai wierdn bezet deur de Fransche ols woarborg. Ols straffe vo de Brugse Mettn mostn der 3000 Bruggeliengn ip bedevoart goan, woavan 1000 overzêe.

Den 11stn juli 1312, juste tien joar achter de Guldnspoornslag, wierd ’t Verdrag van Pontoise getêeknd, woaby da Robrecht de steedn en kasselryen Rysel, Dowoai en Béthune ofstoend an Frankryk. Je krêegt doavôorn den helt van de 20 000 poend rente, ipgeleid an Vloandern deur ‘t Verdrag van Athis-sur-Orge.

Robrecht stierf in september 1322 en je wierd ipgevolgd deur zyn klêenzeune Lodewyk II van Nevers. Zyn zeune, Lodewyk I van Nevers, was twi moandn idder gestorvn. J’is begroavn in de Sint-Moartnskathedroale van Yper.