Roger Vangheluwe

Van Wikipedia
Bisschop Roger Vangheluwe in 2007

Roger Joseph Vangheluwe (Roeseloare, 7 november 1936) wos den bisschop van het bisdom Brugge toe den 23sten april 2010.

Levensbeschryvienge

Vangheluwe is geboorn in 1936. J'es als licentioat in de theologie en de bybelsche toalen ofgestudeerd, nen diplom dat ie an de KULeuven ghoald heit. J'es paster gewyd in Roeseloare ip den 1sn februoari 1963. Als paster heet ie verschillende ipdrachten in 't ounderwys g'hed, woarounder professer an het grôotseminoarie van Brugge. In 1984 es 't ie bisschop benoemd (in 1985 gewyd). De bisschop stoeng bekend vo ne geestigoard die koste lachen. Zô heet ie als êestn Belgischen bisschop in een tv-quiz meegedoan (Tabel van Mendelejev) en dorachter heet ie nog meegedoan met 't programma Zomer-2006, worin dat ie ook nie stille gebleevn is.

Den 23sten van april van 2010 het ie z'n ountslag ingediend by de paus, vor een lange historie van misbruuk met een joentjie uut zn eign familjie, die begost was vo dat ie bisschop was en derachter nog verder gedeurd het. De paus he z'n ountslag direct anveird. Nog den dag vo z'n ountslag, de negentiensten van april, haad ie in Leuvn vo de studentn geprikt en gezeid hoe schandoalig dat ie ol da misbruuk mè kienders in de katholieke kerke vound. J'het toun ook gezeid da misbruuk mè kienders vil minder voorn komt in de kerke dan elders in de moatschappye. 't Is in de nacht doarachter dat z'n familjie, en een poar eurn loater z'n misbruuktn kozen, nen e-mail no de bisschoppn van België en no 't Centrum vo Kiendermisbruuk in de katholieke kerke gezoundn hen. 't En is nie geweetn of dat er een verband is tusschn z'n preke in Leuvn en de coleire van zyn familjie. J'is een tiedje oendergedook'n int klooster van West-Vleetern, een plekstjie wo dattie vroeger assan geiren verbleven hêd. Den twolfsten september 2010 istie uut Westvleteren weg moên goan, nor een nog niet bekend plekke verre weg van zijn oud bisdom. Ook zoettie ten minste nog nen twidden kozen misbruukt hên, 't gerecht is dadde on t'oenderzoek'n, want je n'is nie van zien eeste leugen dôgegoan. Den ersbisjchop Léonard hê gezeid da zijn vroegere moat Vangheluwe nie en beseft dat ie eentwadde ergs gedoan hêd.

Ol dadde è nie vele g'holpen. In twiduusentwolve hed de kerke besloten van antipedofiele cursussen in te richten vo de seminaristen, om ze t'helpen nie t'hervollen in de zoenden van vroeger.[1] Mo desoendanks, bluuft de spannienge groot, zeker achter da den hoofdredacteur van 't Parochieblad (in 't Vlams Kerk en Leven) Vangheluwe gefeliciterd hed me s'n vichtigjoarigen pastersjubilee. Den hoofdredacteur van die gazette hed em g'excuseird en hê gezeid dat'j'ol de verantwordlikheid draagt, mo da's 'em moen versjchoon, omdat je t'ook nie ol kan zien.[2]

Schryfsels

  • 1990 Van hart tot hart. Een woord aan mijn broeder-priester (utgeverie Lannoo)
  • 1992 Wat wij geloven. Een kleine inleiding op het katholieke geloof
  • 1994 Jezus ontmoeten in Woord en Brood. Een aanreiking bij het gelovig vieren van de eucharistie
  • 1996 Hoe wij bidden. Suggesties bij het christelijke gebed
  • 1999 Zo leven wij. Christen zijn in 2000
  • 2001 Matteüs aan het woord

Rifferensjes

<References>

Wikimedia Commons
  1. Albert Segura, «Cursets antipedofília. L'Església catòlica belga demana als futurs mossens que “evitin quedar-se sols amb un menor als lavabos”», El Punt Avui, 28 ogustus 2012 (in 't westvlams: Lessen tegen 't kiendermisbruuk. De katolieke kerke van Belgie zegt an de toekomstige pasters dasse nooit met kienders olleene in de weecees meugen bluven.)
  2. «Kerk en Leven huldigt jubilerende Vangheluwe», Het Laatste Nieuws, 24 van meie 2013