Ronny Coutteure

Van Wikipedia
Ga naar: Begunplekkn, zoeken
Ronny Coutteure

Ronny Coutteure (Wervik 2 juli 1951 - Fretin (in 't Fransche) 21 juni 2000) wos ne Vamschn acteur. Je makte films, je wrochte vo de radio, 'n tv, 'n opera en 't theoater. Je schreef ook boekn en je makte muziek.

Biografie[bewerkn | brontekst bewerken]

Coutteure gruujde up in Wervik, e klee stadje up de frontiere mèi 't Fransche. Zyn groovoader wos doa caféboos. Lik kiend speelde'n hem ol toneel. Up zyn negenste veruuzdn zyn ouders noa Terkoeje.

't Wos ne bekendn in België en in 't Fransche. Je schreef en regisseerde toneelstikkn en ne musical, "Vertelliengn van ne bierdrinker". J'hèi zevve in meer dan twintig Franstoalige en Iengelstoalige films meigespeeld. Zyn eestn film da bekende gerochte, wos "Le dancing" uut 1979 da de prys van 't Festival van Monte-Carlo hèit gekreegn. In 't Fransche presenteerde 'n hem verschillige tv-programma's en one man shows. Je stound doa bekend lik cultureel symbool van de frontierestreke tusschn België en 't Fransche. J'es internationoal bekend gerocht mèi zyn rolle in d'Amerikoansche serie "The Young Indiana Jones Chronicles".

Coutteure speelde dikkers in komieke byrolln moa je koste hem toch osan na 'n voorground werkn. Up die maniere toogde 'n hem zyn sympathie vo de geweune mienschn. ("Mienschn dan ofzien, woar ook in 'n weireld, zyn en bitje familje van ik.")

In 2000 hèit 'n hem zelfmord gepleegd, je wos toun 48 joar. Volgens zyn weeuwe wilde 'n hem zo up en bykan artistieke maniere en ende moakn an 't leevn, lik nen acteur in zyn eigen film.

Galery[bewerkn | brontekst bewerken]

Externe koppeliengn[bewerkn | brontekst bewerken]