Rose McGowan

Van Wikipedia
Rose McGowan ip de premiere van de film Grindhouse in Austin, Texas
Rose McGowan ip 't Toronto International Film Festival 2008

Rose McGowan (Florence, Italië, 5 september 1973) is een Amerikoanse actrice die 't beste bekend is voe eur rolle als Paige Matthews in 'Charmed'.

Z'et ook al gespeeld in Hollywood-films lik 'Scream' en 'Jawbreaker'.

Verder is ze ook bekend voe eur reloasje met Marilyn Manson. De dag van vandoage is ze druk bezig met e zangcarrière achter da ze de smoake te pakkn gekreegn et.

Biografieje[bewerkn | brontekst bewerken]

Et begun van eur leevn[bewerkn | brontekst bewerken]

Rose McGowan is de 2de oudste van 6 kienders, woavan dat er 2 alf-verwanten zien. Ze is geboren in Firenze in Italië. Eur ouders zyn Daniel McGowan, een Iers-geboorn artiest en Terri, a Frans-Amerikoanse schryfster. Eur ouders woarn lid van de Christelike bewegieng 'The Children of God' en eur pa was de leider van et Italioanse dêel van de groep.

Rose McGowan leefde in 't begun van eur jeugd in de groepscommune en ze reisde deur Europa met eur ouders. Deur eur pa z'n kunstcontractn wier Rose e kiendmodel en azo is ze verscheenn in Vogue Bambini en andere Italioanse boeksjes. Eur ouders giengen uut mekoar toen da ze 10 joar was. Doarachter weunde ze in Oregon en Gig Harbor, Washington. Rose kost gin Iengels toet wanneer da ze noa de Verènigde Stoatn veruusde.

Bissen Rose McGowan's schooljoaren weunde ze by eur pa in Seattle, woa da ze op Roosevelt High School zaat. Toen da ze 15 joar was, was Rose McGowan offisêèl zefstandig van eur ouders. Rose zaag e carrière in de filmweireld wel zittn in eur loate tienerjoarn. Moa toch aat ze eurzelvn ingeschrezvn in de schoonheidsschole, voe 't geval da ze doa nie in zoe slaagn.

Carrière[bewerkn | brontekst bewerken]

Rose McGowan eur èèste pogieng voe deur te breekn in Hollywood was e klèin rolletje in Pauly Shore's komedie van in 't joar 1992, 'Ecino Man'. In 1995 speelde ze in de zwarte komedie, 'The Doom Generation'. Domee kreeg ze aandacht van de film criticussn en ze kreeg e nominoasje voe 'Beste Debut Opvoerynk' by de Independent Spirit Awards van 1996.

Doarachter kreeg ze de rolle van Tatum Riley, de beste vrindinne van Neve Campbell's personage Sidney Prescott in de horror-thriller film van et joar 1996, 'Scream'.

Rose McGowan et de langste tyd van de joaren '90 in low-budget films gespeeld, lik 'Southie', 'Going All The Way' en 'Lew & Clark & George'. Ze et ook gespeeld tegenover Peter O'Toole in de film gebasseerd up e boek van Dean Koontz.

Zet ook nog gespeeld in de zwarte komedie van 1999, 'Jawbreaker', woarin da ze e studente speelt die probeert de moord op e klasgenote te bedekk'n. Deur die rolle wier Rose genomineerd voe de Beste Schurk op de MTV Movie Awards van 1999.

In 2001, achter e poar kleine rolletjes, lik de kleine rolle in de worstelfilm 'Ready to Rumble', kreeg Rose de rolle van Paige Matthews in de hitserie 'Charmed', ter vervangieng van et hoofdpersonage van Shannen Doherty, achter da ze ountslag'n wier in de show. Rose et er in bluv'n spel'n toet da de show gestopt wier, in 2006. Ze kreeg een aanbod voe producer te zyn vant latste seizoen, mo ze zaag da nie zittn.

In meie 2005, speelde ze actrice/zangeresse Ann-Margret in Elvis, e mini-serie over et lev'n van Elvis Presley. Da zelfste joar spraak ze de tekst van femme fatale Tala in voe et PlayStation 2- en Xboxspelletje 'Darkwatch'.

Rose goje kunn'n zyn in Quentin Tarantino]]/[[Robert Rodriguezs 'Grind House', die normaal gezien uut ge kom'n op 6 april 2007. Ze got ook voorkom'n in de aankom'nde Brian de Palma-film 'The Black Dahlia'.

Model[bewerkn | brontekst bewerken]

Rose McGowan was et gezicht van een Amerikoanse kler'nbedrief van 1998 toet 1999. Ze was ook e model voe et Henry Macini tribute-album 'Shots in the Dark', da gereleased is in 1996.

Voe de reste et Rose McGowan ook nog op massas covers van boeksjes geston, lik Seventeen, Interview, Maxim en GQ. Ze et ook nog in de sexieste vrouwen-liesten geston van Maxim, FHM en Stuff magazyne.

In addition to clothing endorsements, McGowan has appeared on numerous magazyne covers including Seventeen, Interview, Maxim and GQ. Rose has also been featured on Maxim, FHM and Stuff magazyne's sexiest women lists.

Privé lev'n[bewerkn | brontekst bewerken]

Rose McGowan stoat er bekend voren da ze geweldoadige personages speelt. Vooral deur de film 'Devil in the Flesh', woarin da ze e seriemoordenoar en stalker speelt, die nog op de middelboare schole zit. In één wreed geweldodige scene vermoorde ze eur grootmoeder met eur eigen stoksje. Ze aat e wrèèd open reloasje met Marilyn Manson voe 5 joar lange, en is vele met em in 't openboar en up evenementn verschen'n in uutdagende kleers, lik et "klèèdje" da ze zelve ountworpen aat voe de MTV Music Awards van et joar 1998. Achter twèè joar verloofd gewist te zien, beëndigt Rose de reloasje deur wegen's "levenstiele verschill'n". Dorachter et ze nog reloasjes get met acteur Kip Pardue, TV personaliteit Ahmet Zappa en David Zinczenko, van Men's Health Magazyne.

Rose weunde overtyd in Seattle, mo momentèèl weunt ze in Los Angeles. Op e bepaald moment aat ze wreed last van dwangneurose. Noda ze zelve aangerand gewist is, et Rose discussjes over da ounderwerp op universiteiten geleid.

Rose is zot van Boston Terriers en een activiste voe under. Zet er zelve twèè, Bug en Fester, en zet persoonlek gedoneerd an verschill'nde Boston-reddieng'n. Azo et ze ook eur moatn overtuugd voe te doneren an et Boston Terrier Rescue Net. Et BTRN zegt: "Achter da Rose McGowan eur moatn Bug en Fester gezien en zot van under geword'n zien, en eur moatn genereus gedoneerd. Et is een opmerk'leke biedrage, dat de Bostons goed gon elp'n."

Muziek[bewerkn | brontekst bewerken]

Wannèèr da ze me Marilyn Manson vrijde, et ze sam'n met em in de videoclip van em ze liedje 'Coma White' gespèèld en et ze ook achtergroundzangeresse gewist voe em ze liedje 'Posthuman'. Alletwèè die liedjes zyn te koop op Marilyn Manson's album 'Mechanical Animals'.

Rose et ook gezoengen op et liedje 'Superfabulous' van BT, van z'n album 'Emotional Technology'. Et liedje et in films gewist, ounder andere 'Win a Date with Tad Hamilton' en 'Raising Helen'. Et stot ook op de latste 'Charmed'-soundtrack cd.

Rose et ook e liedje geschrev'n en ingezoeng'n genaamd 'Protection' wat da in eur film 'Strange Hearts' is gekom'n in 2001.

Rose et in de videoclip gespeeld van 'Yoo Hoo' van Imperial Teen Music, e liedje voe de 'Jawbreaker'-soundtrack.

In de 'Charmed'-episode 'Sense and Sense Ability', et Rose in rolle e stiksje van 'Fever' van Peggy Lee gecovered.

Nu da 'Charmed' afgelop'n is, et Rose gezeit da ze van plan is voe eur eig'n album in te zieng'n. In een interview et ze eki gezeit: "Ik woren ant peizen voe soulliedjes met oedere klank'n in te zieng'n... en kzoen da zyn zittn... moestek meir tyd en."

Wist je datjes...[bewerkn | brontekst bewerken]

  • Rooie lippestyfte is eur kenmerk.
  • Ze zegt da ze als kiend slaapwandelde. Et roarste pleksje da ze ooit wakker wier was in de snèèuw in Montreal. Nu klapt ze nog mo juste Italioans in eur slaap.
  • Ze haat alle vis.
  • Ze verzamelt Marlene Dietrich-spulletjes.
  • Op eur rechter schoereblad aat ze e tattoeage van e pin-upmeisje dat eur grotvoader nog geschilderd aat up ze vliegtuugsje in den oorlog, mo oundertusjn et ze em al lotn wegal'n.
Wikimedia Commons